Kannski dreymir einhverjum þarna úti að stíga út úr amstri hversdagsins á höfuðborgarsvæðinu og komast í friðinn og rónna sem oft ríkir á landsbyggðinni, án þess þó að hverfa of langt í burtu frá borgarlífinu. Eign dagsins að þessu sinni er á Skúlagötu í Borgarnesi. Um er að ræða eign í tvíbýli, með þeim möguleika að eignast allt húsið sem er í dag í eigu sama aðila.

Eignin er rúmlega 186 fermetrar að stærð en húsið var byggt árið 1947 fyrir þáverandi Kaupfélagsstjóra Borgarness. Staðsetningin er hin glæsilegasta en húsið er á 1.298 fermetra sjávarlóð með aðgengi beint að sjó.

Í stofunni eru ótrúlega fallegur bogadreginn gluggi þar sem sjávarútsýnið fær að njóta sín til fulls og getur maður ímyndað sér fátt friðsælla en að drekka morgunbollann af kaffi við þessa fögru sjón, enda Borgarnes alveg sérstaklega fallegur bær.

Í eigninni eru þrjú svefnherbergi og mögulegt að bæta við því fjóra. Baðherbergin eru tvö og svo eru rúmgóðar stofur sem eru aðskildar með rennihurðum.

Samkvæmt fasteignaauglýsingu er húsið að miklu leiti í upprunalegri mynd sem gefur því mikinn sjarma.

Ásett verð eignarinnar er 67,9 milljónir.

Ef áhugi er á er hægt að kaupa líka neðri hæð hússins en þar eru nú fjögur góð útleiguherbergi með sameiginlegu eldhúsi ásamt lítilli stúdíóíbúð með sérinngangi. Ásett verð á neðri hæð er 58 milljónir.

Nánar má lesa um eignina sem og skoða fleiri myndir á Fasteignavef DV