Sjónvarpsþátturinn Matur og heimili verður að vanda á dagskrá Hringbrautar í kvöld. Jólin nálgast óðum og Sjöfn fær góðan gest í heimsókn í eldhús og býður í eitís jólakaffi í framhaldinu. Guðrún Sigríður Matthíasdóttir, ávallt kölluð Gunna Sigga, sem kom og sá og sigraði á Íslandsmótinu í brauðtertukeppni ársins sem haldin var hjá Ormsson í tilefni 100 ára afmælis Ormsson kemur í eldhúsið og fullkomnar brauðtertuna sem er vestfirsk alla leið.

Gunna Sigga sýnir áhorfendum brautertugerðina frá grunni og ljóstra upp góðum trixum þegar góða brauðtertu skal gjöra. „Ég er mikil brauðtertukona og hef ávallt gert mikið af brauðtertum. Þessa brauðtertu hef ég gert lengi en bæti við hana einu leynihráefni sem toppar bragðið, bragðið sem heillaði dómnefndina upp úr skónum,“ segir Gunna Sigga.

Eitís jólakaffiboð töfrað fram
Í framhaldinu býður Sjöfn í eitís jólakaffi eins og þau gerast best og færi til liðs við sig Hrafnhildi Þorleifsdóttur blómskreyti og eiganda Blómagallerísins við Hagamel og Elvu Ágústsdóttur stílista við dekkað jólakaffiborðið í eítís stíl þar sem vinnings-brauðtertan er komin í jólabúninginn, jólasmákökur og fleira góðgæti framreidd sem laðar bæði auga og munn.

Hinir fáguðu og glæsilegu mánaðarbollar eru dregnir fram og jólasmákökurnar sem nutu mikilla vinsælda á eitís árunum prýða kaffihlaðborðið. Hrafnhildur rifjar upp þemað í jólaskrautinu á eitís árunum og leyfir þeim litatónum sem þá ríktu að njóta í eitís jólakaffinu. Þegar stílistinn og blómaskreytirinn koma saman gerast töfrarnir eins og sjá má í þætti kvöldsins. Sjöfn og gestir þáttarins eiga ljúfa jólastund þar sem bernskuminningarnar eru rifjaðar upp um baksturinn og jólakaffiboðin

Jólalegur og skemmtilegur þáttur fram undan á Hringbraut í kvöld klukkan 19.00 og aftur klukkan 21.00.

Brot úr þætti kvöldsins má sjá hér:

Matur og heimili stikla 20. desember