Guðmundur Jónsson eða Gummi Jóns úr Sálinni eins og hann er gjarnan nefndur, segir sambandið innan Sálarinnar hafa verið byrjað að súrna, eins og gengur og gerist. Guðmundur hafi verið 25 ára og elstur þegar bandið var stofnað og það hafi verið erfitt að halda neistanum gangandi eftir 30 ár frá stofnun Sálarinnar.
Það hafi verið farið að bera á samskiptaleysi þar sem menn gátu ekki talað sig niður á lausnir ef upp komu vandamál.
Guðmundur er gestur nýjasta þáttar Mannamáls á Hringbraut, en í þættinum spurði Sigmundur Ernir meðal annars hvort það hafi orðið særindi innan sveitarinnar. Gummi segir svo ekki hafa verið heldur hafi þetta bara verið komið nóg.
Guðmundur játir því þó að hafa ekki getað hlustað á tónlist Sálarinnar fyrstu 2 árin eftir að bandið hætti, hann hafi verið svo svekktur að Sálin hætti og talið slitin hafa verið mistök.
Spurður út í það hvort Sálin muni spila aftur segir Gummi Jóns: „Maður á aldrei að segja aldrei!“
Brot úr viðtalinu má sjá í spilaranum hér að neðan, en allan þáttinn má nálgast hér.
Mannamál - Guðmundur Jónsson
Einnig er hægt að hlusta á Mannamál á hlaðvarpsformi á öllum helstu hlaðvarpsveitum.