Sigga Dögg kynfræðingur tekur á móti píkumyndum sem hún mun síðan birta á heimasíðu sinni, siggadogg.is.

Hún ræddi um píkuskoðun á Instagram í gær og spurði fylgjendur hvort þeir myndu senda inn píkumyndir og skoða myndirnar.

„Ég hvet oft til píkuskoðunar til að tengjast líkamanum og kynfærinu sínu og eitt það dýrmætasta sem ég hef gert í mínu starfi voru einmitt kynfæramyndirnar sem eru notaðar um allan heim í fræðslu,“ sagði hún.

Sigga Dögg tók síðast slíkar myndir árið 2014 og birti þær heimasíðu sinni, sem má sjá hér.

Mikil viðbrögð

Viðbrögðin létu ekki á sér standa og er greinilega mikill áhugi hjá konum að senda inn myndir.

„Þið skiljið ekki fjölda pósta og skilaboða sem ég hef fengið frá konum sem vilja taka þátt,“ sagði Sigga Dögg.

„Ég tek á móti myndum hér [á Instagram] eða í tölvupósti sigga@siggadogg.is. Þær verða allar birtar á heimasíðunni siggadogg.is og svo mun ég vinna fræðslu um píkur fyrir Betra Kynlíf. Allar myndirnar verða nafnlausar og aðgengilegar,“ segir hún.

 

View this post on Instagram

 

A post shared by Sigga Dögg kynfræðingur (@sigga_dogg_kynfraedingur)

Það er margt spennandi fram undan hjá Siggu Dögg. Hún var að gefa út bókina Litla bókin um blæðingar og er að vinna í tveimur leyniverkefnum sem hún mun segja betur frá bráðlega.