Óútskýranlegir atburðir og yfirnáttúruleg öfl eru að verki í stiklunni að RIGET EXODUS eftir Lars von Trier, sem frumsýnd verður á Viaplay á morgun sunnudagskvöld.
Alheimsfrumsýningin á Kvikmyndahátíðinni í Feneyjum vakti mikla lukku meðal gagnrýnenda og nú getum við með ánægju sýnt ykkur stikluna að RIGET EXODUS eftir Lars von Trier. Endurbættar útgáfur af RIGET I og II eru einnig aðgengilegar á Viaplay.
Nú þegar frumsýning á þriðja og síðasta kaflanum í RIGET eftir Lars von Trier er loksins rétt handan við hornið, erum við hæstánægð að geta deilt stiklunni með ykkur. Í stiklunni fá áhorfendur að kynnast Karen (Bodil Jørgensen) sem tekur upp þráðinn þar sem Mrs. Drusse skildi hann eftir og Riget opnast á ný þar sem baráttan milli góðs og ills verður háð í eitt skipti fyrir öll. Leynifundir, yfirnáttúruleg öfl og stirt samband Dana og Svía þýðir að framundan og óþægilegur vetur.
Horfðu á stikluna hér.
Sagan – í stuttu máli
Undir miklum áhrifum frá draugaþáttunum Riget leitar svefngengillinn Karen svara við þeim spurningum sem þáttaröðin skildi eftir, með það fyrir augun að bjarga spítalanum frá glötun. Kvöld eitt þegar Karen gengur til náða endar hún með dularfullum hætti beint fyrir framan spítalann. Hliðin að Riget opnast á ný.
Í nýju seríunni heldur Lars von Trier áfram þaðan sem frá var horfið og bindur endahnút á költ-smellinn frá 10. áratugnum: draugasöguna af spítalanum við ströndina þar sem hið illa hefur náð yfirhöndinni, og læknavísindin há daglega orrustu við sig sjálf, við Svíana og við hið yfirnáttúrulega og óútskýranlega, í blöndu af skelfingu, hræðslu og hlátri.
Einvalalið leikara
Einvalalið sænskra og danskra stórleikara kemur fram í Riget Exodus. Bodil Jørgensen fer með eitt af aðalhlutverkunum sem svefngengillinn Karen. Lars Mikkelsen leikur hinn átakafælna yfirlækni Pontopidan og ritarinn hans, Mrs. Svendsen er leikin af Birthe Neumann. Nikolaj Lie Kaas leikur hinn útbrunna aðstoðarlækni Filip Naver og Nicolas Bro er húsvörðurinn Bulder. Nýju uppvaskararnir eru leiknir af Jesper Sørensen og sérbyggðu vélmenni.
Ghita Nørby snýr aftur í hlutverki svæfingalæknisins fyrrverandi Rigmor Mortensen og fyrrum aðstoðarlæknirinn Judith er leikinn af Birgitte Raaberg. Henning Jensen snýr aftur í hlutverki Bob, forstjóra spítalans, og Solbjørg Højfeldtsnýr sömuleiðis aftur í hlutverki hjúkrunarfræðingsins Camillu. Einnig munu áhorfendur eiga endurfundi við Peter Mygind í hlutverki Mogge og Søren Pilmark, sem leikur aðstoðarlækninn Krogshøj sem einnig er kallaður Krogen. Laura Christensen snýr aftur í hlutverki Monu og Udo Kier sést í hlutverki „stóra bróður“.
Sænskar stjörnur skína skært
Sænska stjarnan Mikael Persbrandt leikur yfirlækninn Helmar Jr., sem einnig er kallaður Halmer, sonur hins goðsagnakennda Stig Helmer – sænska yfirlæknisins sem var alræmdur Danahatari og Ernst Hugo Järegård gerði ódauðlegan í fyrstu seríunni. Tuva Novotny leikur Önnu, taugasálfræðinginn sem hjálpar Helmer Jr. að aðlagast lífinu á spítalanum og sér til þess að allt fari á réttan veg. Sænska súperstjarnan Alexander Skarsgård fer með hlutverk lögfræðings spítalans, en það er hlutverk sem hann „erfir“ frá föður sínum Stellan Skarsgård, sem lék lögfræðing í annari seríu af Riget. Ida Engvoll leikur hakkarann Kalle.
David Dencik, Anders Mossling, Asta August, Jens Albinus, Vic Carmen Sonne, Danica Curcic, Charlotte Sieling, Cyron Melville, Paul Hüttel og Stig Hoffmeyer fara einnig með hlutverk í þáttunum.
Zentropa, Viaplay og DR að baki Riget Exodus
Rétt eins og í fyrri seríum, þá skrifar Lars von Trier handritið ásamt Niels Vørsel. Louise Vesth er framleiðandi fyrir hönd Zentropa Entertainments, en Viaplay og DR eru meðframleiðendur. Riget Exodus verður frumsýnt á Viaplay 9. október sem Viaplay Original-efni. Í tengslum við framleiðslu á Riget Exodus hefur verið ráðist í ítarlegar endurbætur á Riget I og II, svo hægt verði að sýna allar seríurnar í mestu mögulegu gæðum, fyrir nýja og gamla aðdáendur. Endurbættar útgáfur af Riget I og II eru aðgengilegar á Viaplay.
