Í síðustu viku var greint frá því að hann væri kominn á fast og væri staddur úti á Taílandi með nýja manninum. Þrátt fyrir að hafa verið virkur á Instagram í ferðinni og birt margar myndir hefur hann ekki gefið neina vísbendingu um hver sá heppni er.
Helgi bauð fylgjendum að spyrja sig ýmissa spurninga í gær en forvitnir fengu ekki þörf sinni svalað.
„Mig langar bara að vita hversu margar spurningar koma um nýja kæró,“ sagði einn fylgjandi.
„Sorry að skúffa þig – no comment,“ svaraði Helgi og setti hláturstjákn með.
View this post on Instagram
Ljósmyndarinn svaraði hins vegar alls konar spurningum tengdum Taílandi og sagðist mæla með því að heimsækja landið.
„Það er oft hægt að fá flug á fáránlega góðu verði (fékk mitt á tæplega 90k) og maturinn, kúltúrinn, möguleikarnir, náttúran, fólkið, allt er svo stórkostlegt hérna,“ sagði hann.
Hann er á eyju sem heitir Koh Lipe. „Mér líður eins og ég sé kominn heim þegar ég er hér. Öðruvísi heim, samt heim,“ segir hann kíminn.
Helgi hefur verið þar síðan í byrjun október og verður í mánuð, til 1. nóvember.
View this post on Instagram
Aðspurður hvað væri það skemmtilegasta að gera í Taílandi sagði hann það fyrsta sem honum datt í hug: „Borða.“
Kærastinn er ekki enn í paradísinni með honum, en hann sagðist vera „núna einn í Taílandi.“
Helgi hefur getið sér gott orð sem ljósmyndari og áhrifavaldur um árabil. Hann er einnig bloggari á Trendnet og heldur úti hlaðvarpinu Helgaspjallið.
