Une Misère kemur fram í fyrsta sinn eftir dágóða hvíld og verður þetta í fyrsta sinn sem Rúnar Geirmundsson – nýi söngvari hljómsveitarinnar – kemur fram með þeim. Eins verður frumflutt nýtt efni sem er afrakstur samstarfs þeirra.
Une Misère gaf út breiðskífuna ‘Sermon’ árið 2019 og hlaut fyrir hana mikið lof bæði innan og utan landsteina. Í kjölfarið ferðaðist sveitin heimshorna á milli og lék þar með mörgum fremstu þungarrokkssveitum heims líkt og Lamb of God, Arch Enemy, Slayer og Thy Art Is Murder.
Sveitin leikur Hardcore Metal með áhrifum víða úr litrófi þyngra rokks, en Une Misère hefur ekki síst verið hampað fyrir að vera afar aðgengileg þrátt fyrir hrjúfan og kröftugan hljóðheim. Lifandi flutningur sveitarinnar hefur eins löngum verið áleitinn, en með tilkomu Rúnars í lykilhlutverk sitt sem söngvari Une Misère er framtíðin björt fyrir þeim félögum.
Necksplitter, Krownest og Elli Grill hita upp og fer fyrsta band á svið klukkan 20:30.
