Kírópraktorinn, áhrifavaldurinn og tískusérfræðingurinn Guðmundur Birkir Pálmason, kallaður Gummi Kíró, fer yfir trendin fyrir haustið.

Gummi er mikill smekkmaður og hefur mikinn áhuga á merkjavörum. Hann og kærasta hans, athafnakonan og áhrifavaldurinn Lína Birgitta, kaupa sér reglulega tískuvörur frá lúxusmerkjum eins og Gucci, Fendi og Yves Saint Laurent og birta myndir af hnossgætunum á Instagram.

Hann hefur áður farið yfir tískutrend líðandi stundar og olli fylgjendum sínum ekki vonbrigðum þegar kom að því að fara yfir hvað verður heitt í haust.

 

View this post on Instagram

 

A post shared by G U M M I – K Í R Ó (@gummikiro)

Gerviloðfeldir, stórir frakkar og stórir treflar er meðal þess sem verður í tísku í haust að mati Gumma. „Stærðin skiptir máli, á frökkunum það er að segja,“ segir hann og hlær.

„1985 gallabuxur. Vítt snið og stuttar,“ segir hann og bætir við að þetta séu gallabuxur sem passa við allt.

Alls konar töskur eins og „pouch töskur [..] Einnig eru tote mjög smart og þægilegar. Messenger og cross body töskur.“

 

View this post on Instagram

 

A post shared by G U M M I – K Í R Ó (@gummikiro)

Þykkar, stórar og litríkar peysur. „Mæli með að taka númeri stærra en vanalega í peysum til að hafa sniðið loose og þægilegt,“ segir hann.

Stjörnukírópraktorinn segir að haustrendin verða „létt og þægileg“ og sniðin stílhrein og afslöppuð.