Vaxtarræktarkonan Sara Heimisdóttir, einnig þekkt sem Sara Piana, minnist eiginmanns síns, bandaríska vaxtarræktarmannsins Rich Piana, sem lést fyrir fimm árum. Sara og Rich giftu sig í september 2015 og skildu að borði og sæng árið 2016, en voru enn þá gift þegar hann féll frá. Rich veiktist á heimili sínu í Flórída í ágúst 2017 og var haldið sofandi í öndunarvél um tíma.
Sara flutti aftur til Íslands fyrir tveimur árum eftir margra ára dvöl í Bandaríkjunum, en hún flutti upphaflega erlendis til að flýja ofbeldissamband við alræmdan handrukkara hér á landi.
Sjá einnig: Sara Heimis lýsir ofbeldissambandi við alræmdan handrukkara
Sara minnist Rich í einlægri færslu á Instagram og birtir nokkrar myndir af þeim saman. Smartland greinir einnig frá.
„Ég trúi því ekki að það séu fimm ár liðin síðan þú fórst frá okkur. Mér líður eins og það var bara í gær sem við hittumst í fyrsta skipti,“ segir hún. Sara segir að uppáhalds minning hennar sé þegar þau keyptu mat og nammi og lágu saman á teppi í garðinum með hundunum þeirra og horfðu á stjörnurnar.
„Það var mikið hlegið,“ segir hún. „Við áttum margar góðar minningar saman en einnig erfiðar sem urðu til þess að við fórum sitthvora áttina í lífinu,“ segir hún og bætir við að hún sé þakklát fyrir allt sem hann kenndi henni og lexíurnar sem hún lærði af sambandi þeirra.
„Farinn en ekki gleymdur. Hvíldu í friði,“ segir hún.
Minningarorð Söru má lesa í heild sinni hér að neðan.
View this post on Instagram
