Í Arnarhrauninu í Hafnarfirði má finna ævintýralega fallegt einbýlishús sem hefur verið mikið, og þá er verið að meina MIKIÐ, endurnýjað. Umrædd eign er í ævintýralegafallegu umhverfi en eignin er staðsett á sælureit við friðað svæði þar sem að lóðin liggur að Einarsreit.

Fyrir þá sem ekki þekkja til Einarsreits á er hann einn af þeim fjölmörgu stöðum í Hafnarfirði sem saltfiskur var verkaður. Það var útgerðarmaðurinn Einar Þorgilsson sem útbjó þennan tiltekna reit árið 1913, en enginn fiskur er þó verkaður þar í dag heldur hefur verið komið fyrir leik- og boltavelli fyrir börnin ásamt söguskilti frá Byggðasafni Hafnarfjarðar þar sem sagt er frá saltfiskverkun á Hafnarfirði á árum áður.

Staðsetning eignarinnar við Arnarhraun er því einstaklega skemmtilegt því úr bakgarði er hægt að hlaupa beint út á Einarsreitinn og því sannkallaður ævintýrastaður fyrir börnin.

Sjálft húsið er svo ekkert slor, heldur gekk undir mikla yfirhalningu á síðasta ári og er því gífurlega lekkert að innan. Skipt hefur verið um öll gólfefni og hiti settur í gólfin. Rafmagnið hefur einnig verið endurnýjað og samhliða því var komið fyrir fallegri lýsingu í loftið. Eldhúsið var svo endurnýjað með innréttingu frá Eyju og eru allar innihurðir sérsmíðaðar.

Baðherbergin eru tvö og eru bæði hin glæsilegustu og fyrir þá sem vilja slaka enn meira á þá er heitur pottur á veröndinni.

Garðurinn  er einstaklega gróinn og fagur en hann var teiknaður af Steinþóri Einarssyni sem einnig vann garðinn, heimkeyrslu og framhlið. Garðurinn fékk viðurkenningu árið 2002. Fyrir aftan rúmlega 40 fermetra bílskúrinn má svo finna blómaskála, moltukassa og blómakassa til ræktunar.

Nánar má fræðast um eignina á Fasteignavef DV