Kim og Pete eru kærustupar í dag en það var raunveruleikastjarnan sem tók fyrsta skrefið. Í nýjasta þætti af The Kardashians viðurkenndi hún að það hefði verið orðrómurinn um „typpaorku“ Pete, eða BDE (Big Dick Energy) eins og það er kallað á ensku, sem vakti fyrst áhuga hennar.
Kim var fengin til að stýra Saturday Night Live í október 2021 þar sem hún og grínistinn deildu sínum fyrsta kossi, sem var hluti af atriði þeirra sem Jasmín og Aladdín.
Samkvæmt Kim þá sýndi Pete henni engan áhuga til að byrja með. „Ég gerði SNL og við kysstumst í atriðinu og það var bara „vibe.“ Og ég var alveg: „Ó sjit, kannski ég þarf að prófa eitthvað nýtt.“ En Pete kom ekki í eftirpartíið mitt. Það mættu allir í partíið en hann hafði engan tíma fyrir mig,“ sagði hún í þættinum.
En raunveruleikastjarnan lét það ekki stöðva sig.
„Nokkrum dögum seinna hafði ég samband við framleiðanda hjá SNL og bað um símanúmer Pete […] og sendi honum skilaboð. Ég var ekki að hugsa: „Guð minn góður, ég ætla að byrja með honum.“ Ég hugsaði bara… Ég var búin að heyra um þessa typpaorku (e. BDE), ég þurfti að gera eitthvað, bara koma mér af stað, ég var eiginlega bara DTF.“
Fyrir þau sem ekki vita er DTF skammstöfun fyrir „down to fuck“ eða „til í tuskið.“
Orðrómurinn um „typpaorku“ Pete fór á kreik eftir að þáverandi kærasta hans, söngkonan Ariana Grande, tísti um typpastærð hans. Einnig á frasinn „big dick energy“ við um sjálfsöryggi hans og allsherjarbrag hans.
Kim gaf einnig til að kynna að Pete stendur undir nafni og að kynlífið með honum sé það besta til þessa.
„Eftir að ég varð fertug sögðu allir að þá myndi ég byrja að stunda besta kynlífið. Amma var alltaf að segja mér: „Besta kynlífið er eftir fertugt.“ Og ég var alveg: „Ókei, ég er tilbúin.“ Og hingað til…“ segir hún og blikkar síðan systur sínar áður en hún springur úr hlátri.
Eins og aðdáendur parsins vita þá urðu þau miklu meira en bara bólfélagar, sambandið blómstraði og hefur Kim sagt í viðtölum að hún sé mjög hamingjusöm með Pete.
Þau hafa verið saman í rúmlega hálft ár. Undanfarna mánuði hefur Kim, sem er með 314 milljón fylgjendur á Instagram, verið opnari um samband þeirra, bæði á samfélagsmiðlum og í viðtölum. Þau hafa einnig verið dugleg að mæta á viðburði saman, þau til að mynda mættu saman á Met Gala í byrjun maí.
