Á hverju ári stilla leikararnir sem vinna til Óskarsverðlauna sér upp saman fyrir mynd. Þetta er eins mikil hefð og þetta er heiður, myndirnar eru sögulegar og eru taldar fanga stjörnur hvers árs fyrir sig.

Hér að neðan má sjá nokkrar myndir frá 2015 til 2018.

Í ár voru hins vegar aðeins þrjár stjörnur á myndinni, en Will Smith, sem var valinn besti leikari fyrir hlutverk sitt í King Richard, var ekki með.

Ástæðan fyrir því að hann var ekki með á myndinni var vegna uppákomu á hátíðinni í nótt þegar leikarinn sló grínistann Chris Rock utan undir.

Sjá einnig: Will Smith gæti verið sviptur Óskarnum

Jessica Chastain, Troy Kotsur og Ariana DeBose stilltu sér þrjú upp saman og brostu breitt án hans.

Jessica Chastain var valin besta leikkona í aðalhlutverki fyrir leik sinn í The Eyes of Tammy Fae. Troy Kotsur varð fyrsti heyrnarlausi maðurinn til að vinna til verðlauna fyrir leik sinn, hann var valinn besti leikari í aukahlutverki fyrir hlutverk sitt í myndinni CODA. Ariana DeBose skráði sig rækilega í sögubækurnar í nótt, hún er fyrsta dökka opinberlega hinsegin konan til að hreppa Óskarsverðlaun fyrir kvikmyndaleik. Hún fékk verðlaun sem besta leikkona í aukahlutverki fyrir hlutverk sitt í West Side Story.

Sjá einnig: Svona voru viðbrögð gesta Óskarsins við löðrungnum – Grátandi Will Smith baðst afsökunar

Sjá einnig: Forsagan á bak við erjur Will Smith og Chris Rock