Tónlistarkonan og einn af fulltrúum Íslands í Eurovision í maí, Elín Eyþórsdóttir, er komin í samband með leikkonunni Írisi Tönju Flygenring. Vísir greinir frá.
Þetta er aldeilis öflugt par en báðar hafa getið sér gott orð í sínu fagi. Íris Tanja sló meðal annars í gegn í sjónvarpsþáttunum Kötlu og Ófærð.
Flestir landsmenn ættu nú að þekkja Elínu en hún er ein af þremur Eyþórsdætrum sem sigruðu Söngvakeppni Sjónvarpsins með laginu „Með hækkandi sól“ á laugardaginn síðastliðinn.
Fókus óskar parinu innilega til hamingju með ástina.