Rapparinn Kanye West og leikkonan Julia Fox eru í opnu sambandi. Page Six greinir frá.
Stjörnurnar hafa verið saman í rúmlega mánuð og eru ófeimin að flagga sambandinu í fjölmiðlum. Julia átti afmæli á dögunum og gaf Kanye henni og vinkonum hennar Birkin töskur sem kostuðu hver 1,2 milljónir króna.
Sjá einnig: Afmælisgjöf Kanye West til Juliu Fox vekur athygli
Parið hefur ákveðið að hafa sambandið opið. „Tengingin á milli þeirra er svo sterk því þau eru þróaðar verur og vilja bara sjá hvort annað vera hamingjusamt. Það er engin afbrýðissemi eða eitthvað slíkt,“ segir heimildarmaður Page Six.
Kanye er að slá sér upp með Instagram fyrirsætunni og tvífara Kim Kardashian, Chaney Jones, 24 ára. Hann sást á stefnumóti með henni á mánudaginn síðastliðinn.
Heimildir herma einnig að Julia sé að „tala við“ karlmann á austurströnd Bandaríkjanna.
Nýlega hélt Kanye hlustunarpartí fyrir næstu plötu, „Donda 2“. Meðal gesta voru Kendall Jenner og Travis Scott, sem mættu þrátt fyrir stirð samskipti og drama milli Kanye og Kim Kardashian, sem standa í erfiðum skilnaði.
Chaney Jones mætti einnig í teitið og var skuggalega lík Kim Kardashian, hún klæddi sig meira að segja eins og stjarnan hefur verið að gera undanfarna mánuði.
Raunveruleikastjarnan er í sambandi með grínistanum Pete Davidson, sem kallaði hana í fyrsta skipti kærustuna sína opinberlega á dögunum.
Sjá einnig: Kallar Kim Kardashian kærustuna sína í fyrsta skipti
