Lögunum úr Söngvakeppni RÚV, sem hefst 26. febrúar næstkomandi, hefur verið lekið á netið, en þau hafa verið birt á síðunni eurovisionfun.com bæði í íslenskri og enskri útgáfu.

Lögin verða formlega kynnt hjá RÚV í kvöld og því lekinn á óheppilegum tíma. Fréttablaðið greinir frá lekanum og rifjar upp að þetta sé ekki í fyrsta sinn sem slíkur leki á sér stað, en það hafi líka átt sér stað árið 2018 en þá hafi stjórnendur keppninnar sagt að aðgerðir yrðu hertar til að tryggja leynd.

Eins má minnast þess þegar framlag Daða og Gagnamagnsins lak á netið á síðasta ári nokkrum dögum áður en það var frumflutt.

Leynd hefur hvílt yfir því hvaða flytjendur taka þátt í keppninni í ár, en þó hefur því verið lekið að Reykjavíkurdætur væru þar á meðal. Athygli vekur að Óskarsverðlaunahafinn Marketa Irglova sem búsett hefur verið á Íslandi undanfarin ár er með framlag í keppninni

Lestu viðtalið: Óskarsverðlaunahafinn í Vesturbænum

Listamennirnir sem taka þátt í Söngvakeppninni í ár eru:

Haffi Haff 

Hanna Mia & The Astrotourists

Suncity & Sanna

Katla

Markéta Irglová

Reykjavíkurdætur

Stefán Óli

Stefanía Svavarsdóttir 

Amarosis

Lögin má svo heyra hér