Fyrrverandi fegurðardrottningin og athafnakonan Tanja Ýr Ástþórsdóttir er stödd á landinu um þessar mundir en hún hefur verið erlendis bróðurpartinn af nýliðnu ári. Hún ferðaðist meðal annars um Tyrkland og var síðast í Miami áður en hún kom til Íslands og er ferðinni næst heitið til Manchester í Bretlandi.
Tanja Ýr varði áramótunum í Fort Lauderdale í Flórída með vinum og dularfullum breskum sjarmör, Ryan, sem kom með henni til landsins.
Fyrrverandi fegurðardrottningin hefur ekki birt myndir af þeim saman en það hefur sést saman til þeirra í Story á Instagram. Vinur hennar, tískuáhrifavaldurinn og ljósmyndarinn Stefán John Turner, birti myndir frá ferðalagi þeirra um landið og virtust þau skemmta sér konunglega.
Ýttu á örina til hægri til að sjá fleiri myndir.
Tanja Ýr hefur getið sér gott orð í viðskiptaheiminum undanfarin ár. Hún á og rekur Tanja Yr Cosmetics og er annar eigandi Glamista hair. Hún var áður í sambandi með frumkvöðlinum Agli Fannari Halldórssyni, sem er annar eigandi Gorilla vöruhús og Wake Up Reykjavík en greint var frá sambandsslitum þeirra í haust. Bæði njóta mikilla vinsælda á Instagram.
Sjá einnig: Tanja og Egill eru hætt saman – Orðrómurinn síðan í sumar orðinn að veruleika
