Bakarameistarinn og listmálarinn Jóhannes Felixson, eða Jói Fel eins og við þekkjum hann öll, varð 55 ára á dögunum.
Hann fagnaði áfanganum með því að birta mynd af sér berum að ofan og sagðist sitja uppi „með þetta útlit núna.“
„55 ára miðaldra karlmaður. Sit uppi með þetta útlit núna. Held að fari aðeins að síga á næstunni þegar Felino fer á fullt,“ skrifar hann með myndinni. Fréttablaðið greindi fyrst frá.
Felino er nýi staðurinn sem Jói Fel er að fara að opna í Listhúsinu í Laugardalnum þar sem ítalskur matur verður í forgrunni. Nafnið Felino kemur frá litla bænum Felino á Ítalíu en þaðan mun hann flytja inn Salami-skinku, Felino-salami, sem mun koma til sögu á matseðli.
Myndin hefur slegið í gegn hjá fylgjendum hans en tæplega þrjú hundruð manns hafa líkað við hana síðan í gærkvöldi.
