Körfuboltakappinn Tristan Thompson hefur átt í haltu-mér-slepptu-mér sambandi við raunveruleikastjörnuna Khloé Kardashian um árabil og á þeim tíma eignuðust þau dóttur sína, True og undanfarna mánuði hafa þau gert tilraun til að geta annað barn.

Það vakti því mikla athygli þegar fréttir bárust þess efnis að Tristan hafi feðrað annað barn, með annari konur á meðan hann var á föstu með Khloé. Þær fregnir voru þó ekki staðfestar fyrr en nú, en Tristan greinir frá því á Instagram að faðernispróf hafi leitt í ljós að hann sé vissulega pabbi nýfædds sonar fitness fyrirsætunnar Maralee Nichols.

„Í dag leiddu niðurstöður faðernisprófs í ljós að ég feðraði barn með Maralee Nichols,“ skrifaði hann á Instagram í gær.

„Ég tek fulla ábyrgð á þessu. Nú þegar faðernið hefur verið staðfest hlakka ég til að taka þátt í uppeldi sonar míns. Ég vil biðja alla þá afsökunar sem ég hef sært eða valdið vonbrigðum í gegnum þetta mál, bæði opinberlega og bak við tjöldin.“ 

Síðan beinir hann máli sínu að Khloé. „Khloé, þú átt þetta ekki skilið. Þú átt ekki skilið sorgina og niðurlæginguna sem ég hef valdið þér. Þú átt ekki skilið hvernig ég hef komið fram við þig í gegnum árin. Framkoma mín er svo sannarlega ekki í samræmi við hvernig ég lít á þig. Ég ber mikla virðingu fyrirþér og elska. Hvað sem þú gætir haldið. Aftur, þá þykir mér þetta svo leitt.“

Khloé hefur ekki tjáð sig opinberlega um málið og velta nú margir fyrir sér stöðuna á ástarsambandi hennar og Tristans sem og fyrirhugaðar barneignir. Þetta er ekki í fyrsta sinn sem Tristan verður uppvís af framhjáhaldi en nýlega greindi áhrifavaldurinn Sidney Chase frá því að hún og Tristan hafi átt í sambandi þegar Tristan var með Khloe, eins varð hann uppvís að framhjáhaldi þegar Khloé gekk með dóttur þeirra, og svo aftur 10 mánuðum síðar með annarri konu.

Sjá einnig:  Enn einn framhjáhaldsskandallinn skekur Kardashian fjölskylduna