Scott Disick hefur ekki átt sjö dagana sæla. Ekki nóg með vera „niðurlægður“ eftir að einkaskilaboð hans um samband fyrrverandi eiginkonu hans, Kourtney Kardashian, voru opinberuð, þá er samband hans á hálum ís. E! News greinir frá.
Til að gera langa sögu stutta voru raunveruleikastjörnurnar Scott Disick og Kourtney Kardashian saman í tæpan áratug áður en þau skildu árið 2015. Þau eiga saman þrjú börn og hafa haldið ágætum vinskap frá skilnaði. Kourtney var í sambandi með hnefaleikakappanum og fyrirsætunni Younes Bendjima frá 2016 til 2018. Hún er í dag með trommaranum Travis Barker og virðist Scott ekki vera ánægður með hversu alvarlegt samband þeirra er orðið.
Hann sendi Younes skilaboð með mynd af Kourtney og Travis kyssast og sagði: „Jó, er þessi gella í lagi!???“
Younes birti skjáskot af skilaboðunum á Instagram og leið ekki á löngu þar til fjölmiðlar vestanhafs fjölluðu um málið og olli það talsverðu fjaðrafoki.
Sjá einnig: Afmælisgjöfin frá 19 ára kærustunni vekur athygli
Scott hefur verið í sambandi með fyrirsætunni Ameliu Hamlin síðan í október 2020. Það er töluverður aldursmunur á parinu. Amelia Hamlin varð tvítug í júní og Scott er 38 ára.
Samkvæmt heimildum E! News eru Scott og Amelia „að eyða tíma í sundur“ á meðan þau „endurskoða framtíð sína saman.“
„Þau þurftu pásu frá hvort öðru, það var greinilegt,“ segir heimildarmaður E! News.
Amelia varð fyrir „miklum vonbrigðum“ með Scott og skilaboðin sem hann sendi og hún „lét hann vita af því.“
Amelia er dóttir leikkonunnar og raunveruleikastjörnunnar Lisa Rinna.
Sjá einnig: Scott Disick kallaður „krípí“ og „óviðeigandi“ eftir að hann deildi mynd af ungu kærustunni
