Það er vinsæl mýta að aðeins „siðlaust“ eða „lauslátt“ fólk getur fengið kynsjúkdóma. Það er bara ekki rétt eins og kvensjúkdómalæknirinn Ginni Mansberg bendir á í nýjum þætti af hlaðvarpinu Kinda Sorta Dating. News.au greinir frá.
Dr Mansberg hefur starfað sem kvensjúkdómalæknir í tæpa þrjá áratugi og segir að alls konar fólk greinist með kynsjúkdóma. Meðal annars fólk sem er talið vera „íhaldssamir“ samfélagsþegnar.
„Þetta minnir mig á eina konu sem kom til mín. Hún beið þar til hún var 29 ára til að missa meydóminn með kærasta sínum. Hún var með honum í sex mánuði áður en þau stunduðu óvarið kynlíf,“ segir Dr Mansberg.
„Hún fékk þrefaldan skell. Hún fékk klamýdíu, herpes og það fundust afbrigðilegar frumur eftir leghálsstroku. En það er ekki hægt að kalla hana „eyðilagða.““
Dr Mansberg segir að það hefur „ekkert með siðferði að gera varðandi hver fær kynsjúkdóm heldur heldur spilar heppni þarna stórt hlutverk.“ Hún segir að herpes sé langalgengasti kynsjúkdómurinn.
Það hefur einnig verið óvænt aukning í einum aldurshópi. Miðaldra fólk sem er á lausu í fyrsta skipti í marga áratugi. „Það hefur gleymt smokknum, það er orðið svo vant því að nota ekki smokk,“ segir Dr Mansberg.
„Ég hef verið að sjá aukningu hjá nýlega einhleypum konum og körlum. Því miður meira af konum því karlar finna fyrir litlum sem engum einkennum sem gerir það að verkum að þeir dreifa sjúkdómnum víðar.“
