Fjölmiðlamaðurinn Atli Fannar Bjarkason rifjar upp „besta augnablik sjónvarpssögunnar“ á Twitter.
Um er að ræða myndbrot frá árinu 2013 af Össuri Skarphéðinssyni, fyrrverandi utanríkisráðherra, og Kára Stefánssonar, forstjóra Íslenskrar erfðagreiningar.
Í myndbrotinu má sjá Össur ganga út úr kjörklefa með atkvæði í hönd og rétt á eftir honum gengur Kári út úr kjörklefanum við hliðina á. Kári gengur í veg fyrir Össur sem stoppar og leyfir Kára að skila atkvæðinu sínu á undan.
Þó atvikið þykir fremur spaugilegt þá setur klæðnaður Kára punktinn yfir i-ið, en hann er í svörtum jakka með svartan hatt. Hættulega töff.
í tilefni kosninga er tilvalið að rifja upp besta augnablik sjónvarpssögunnar pic.twitter.com/Q2fIhwP54h
— Atli Fannar (@atlifannar) September 20, 2021
Þökk sér tísti Atla Fannars hefur myndbrotið vakið athygli á ný og virðast netverjar skemmta sér konunglega yfir hegðun Kára.
„Takk fyrir að rifja þetta upp. Ég get horft endalaust á þetta,“ segir einn netverji.
Sumir eru hins vegar ekki hrifnir af hegðun forstjórans og gagnrýna hann fyrir dónaskap. „Við nánari skoðun er þetta svo ömurleg hegðun. Hann sér Össur og baðar út handleggnum til að stöðva hann. Týpan sem reynir að gera sig breiða á þröngum gangstígum.“
Atli Fannar bendir þá á viðtal við Kára frá því að myndbandið fór fyrst í dreifingu árið 2013. Vísir ræddi við hann á sínum tíma og sagðist Kári ekki hafa séð Össur þar sem hann er blindur á hægra auga. Hann sagðist enn fremur hefði faðmað Össur ef hann hefði séð hann.
