MTV-verðlaunahátíðin var haldin í New York í nótt. Allar stærstu stjörnur Hollywood mættu á hátíðina og sýndu sig á rauða dreglinum.
Það var þó ekki bara áhugaverð og djörf tíska sem vakti athygli. Það kom upp ágreiningur á milli tónlistarmannsins Machine Gun Kelly og fyrrverandi bardagakappans Conor McGregor. Öryggisverðir þurftu að stía þeim í sundur til að koma í veg fyrir slagsmál.
Machine Gun Kelly, sem heitir réttu nafni Colson Baker, mætti ásamt kærustu sinni, leikkonunni Megan Fox, á hátíðina.
Sjá einnig: Tískan á MTV-verðlaunahátíðinni – Megan Fox gerði allt vitlaust í gegnsæjum kjól
Conor McGregor mætti með kærustu sinni, Dee Devlin, og kynnti verðlaunin fyrir listamann ársins, sem Justin Bieber hlaut.
Það virðist hafa komið upp einhvers konar ágreiningur milli Conor og Machine Gun Kelly. Myndband af því hefur farið eins og eldur í sinu um netheima.
Why is Conor trying to fight Machine Gun Kelly at the VMA awards. 😂😂😂😂 pic.twitter.com/MoN9qa9guU
— Jason Williams (@jasoneg33) September 13, 2021
Í myndbandinu hér að neðan má sjá ágreininginn frá öðru sjónarhorni þar sem Conor hellir drykk á Machine Gun Kelly.
Conor McGregor threw a drink at Machine Gun Kelly at the VMA’s 😳
(via laurademytrk/IG) pic.twitter.com/yMMudgq3YG
— Bleacher Report (@BleacherReport) September 13, 2021
Á þessum tímapunkti er ekki vitað hvað orsakaði ágreininginn en TMZ greinir frá því að Conor McGregor hafi beðið Machine Gun Kelly um mynd, sem sá síðarnefndi neitaði.
Aðrir slúðurmiðlar vestanhafs greina frá því að bardagakappinn hafi nálgast Machine Gun Kelly til að taka í hönd hans en öryggisverðir tónlistarmannsins hafi ýtt honum í burtu. BuzzFeed greinir frá.
En talsmaður Conor McGregor hafnar þessum ásökunum og segir Conor aldrei hafa beðið um mynd með Machine Gun Kelly.
Conor tjáði sig stuttlega um deilurnar í viðtali eftir hátíðina. „Það gerðist ekkert,“ sagði hann við Entertainment Tonight. „Ég veit ekki, ég mætti bara. Ég þekki gæjann ekkert. Þetta er bara orðrómur. Það gerðist ekkert. Ég fer bara í slag við alvöru bardagakappa, fólk sem kann að slást. Ég fer vissulega ekki í slag við lítinn hvítan vanillu rappara. Ég þekki hann ekkert, eina sem ég veit er að hann er með Megan Fox.“
Machine Gun Kelly neitaði að tjá sig um atvikið.
Machine Gun Kelly wouldn’t talk about his scuffle with UFC Champ Conor McGregor before the #VMAs. https://t.co/UB8wjdnhBs pic.twitter.com/ZJbaRYJJD5
— Variety (@Variety) September 13, 2021
