fbpx
Mánudagur 31.mars 2025
Fókus

Langrækinn Tarantino fyrirgaf móður sinni ekki kaldhæðnina – „Þú færð ekkert“

Fókus
Mánudaginn 9. ágúst 2021 14:15

Ekki missa af Helstu tíðindum dagsins í pósthólfið þitt

Lesa nánar

Leikstjórinn og handritshöfundurinn frægi Quentin Tarantino er afar langrækin ef marka má ummæli hans í hlaðvarpinu The Moment þar sem hann greindi frá því að hann deili ekki gífurlegum auðæfum sínum með móður sinni vegna nokkurs sem hún sagði þegar hann var aðeins barn að aldri.

Tarantino greinir frá því að þegar hann var krakki þá hafi hann oft eytt tíma í að skrifa handrit frekar en að læra í skólanum og hafi það reitt kennara hans til reiði. Hann hafi ekki verið öflugur námsmaður nema í ensku- og sögutímum og þótti móður hans það ekki ásættanlegt.

„Þeir [kennararnir] litu á það sem ögrun og uppreisn að ég væri að gera þetta frekar en það sem ég átti að vera að gera í tímum,“ sagði Tarantino og sagði að móðir hans hafi aldrei verið sátt við lakan námsárangur hans.

„Hún var að nöldra í mér yfir þessu þegar hún í miðri einræðunni sagði „Já á meðan ég man, þessi liti „ferill í handritaskrifum“ og hún gerði gæsalappir með fingrunum og allt. „Þessi litli „ferill í handritaskrifum“ sem þú ert að eltast við. Því líkur núna.“

Tarantino tók þessum orðum hennar ekki vel.

„Þegar hún sagði þetta við mig með þessum kaldhæðna hætti hugsaði ég með mér „Allt í lagi kona. Þegar ég verð frægur handritahöfundur þá færðu ekki eina krónu frá mér. Það verður ekkert hús keypt fyrir þig. Engin ferðalög, engin Elvis Cadillac bíll fyrir mömmu. Þú færð ekkert. Vegna þess að þú sagðir þetta.“

Þáttastjórnandi spurði Tarantino hvort hann hafi staðið við þetta.

„Já já. Ég hjálpaði henni þegar hún lenti upp á kant við skattinn. En ekkert hús. Enginn Cadillac, ekkert hús.“

Tarantino bætti við að foreldrar ættu að vera meðvitaðir um það að það geti haft afleiðingar að gera lítið úr draumum barna sinna.

„Orð þín til barna þinna hafa afleiðingar, mundu að kaldhæðnin þín hefur afleiðingar þegar þú beitir henni gegn einhverju sem skiptir börnin þín máli.“

Eins og flestir vita er Tarantino með frægari mönnum á sínu sviði. Hann hefur gert 10 myndir á ferlinum sínum frá 1992 og næsta verkefni hans verður hans síðasta. Hann mun að því loknu setjast í helgan stein þrátt fyrir að vera aðeins 58 ára að aldri.

Fréttin hefur verið uppfærð. Áður sagði að leikstjórinn ætlaði sér að leggjast í helgan stein en rétt er að segja setjast. Blaðamaður hefur líklega ósjálfrátt verið að opinbera eigin vilja til að leggjast niður. 

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fókus
Fyrir 2 dögum

„Kannski ég opni Kommaskóla fyrir lítil og stærri börn þegar ég hætti sem formaður“

„Kannski ég opni Kommaskóla fyrir lítil og stærri börn þegar ég hætti sem formaður“
Fókus
Fyrir 2 dögum

Mættu bara með kartöflur og sítrónu á árbakkann – „Það væri gott að fá smá prótín með“

Mættu bara með kartöflur og sítrónu á árbakkann – „Það væri gott að fá smá prótín með“
Fókus
Fyrir 4 dögum

Fræðsluskot Óla tölvu: ChatGPT með auga fyrir umhverfinu – Nú getur gervigreindin lýst því sem hún sér!

Fræðsluskot Óla tölvu: ChatGPT með auga fyrir umhverfinu – Nú getur gervigreindin lýst því sem hún sér!
Fókus
Fyrir 4 dögum

Dr. Phil segir hættu á að börn Kim og Kanye endi í fóstri – Þetta er ástæðan

Dr. Phil segir hættu á að börn Kim og Kanye endi í fóstri – Þetta er ástæðan
Fókus
Fyrir 5 dögum

Visteyri kemur prótótýpum og prufum í hringrás á HönnunarMarkaði HönnunarMars

Visteyri kemur prótótýpum og prufum í hringrás á HönnunarMarkaði HönnunarMars
Fókus
Fyrir 5 dögum

Búinn með Adolescence? – Tókstu eftir þessu í lokaþættinum?

Búinn með Adolescence? – Tókstu eftir þessu í lokaþættinum?
Fókus
Fyrir 6 dögum

Nýir veiðiþættir hefja göngu sína á DV í samstarfi við Veiðar.is

Nýir veiðiþættir hefja göngu sína á DV í samstarfi við Veiðar.is
Fókus
Fyrir 6 dögum

„Held að ég hafi aldrei verið jafn nálægt því á ævinni að fá taugaáfall“

„Held að ég hafi aldrei verið jafn nálægt því á ævinni að fá taugaáfall“