Raunveruleikastjarnan Kourtney Kardashian á þrjú börn með fyrrverandi eiginmanni sínum, Scott Disick. Scott kom einnig fram í raunveruleikaþáttum fjölskyldunnar, Keeping Up With The Kardashian, þar til þættirnir hættu göngu sinni fyrr á árinu. Kourtney og Scott voru saman í tæpan árautg en hættu saman árið 2015 og hafa haldið ágætum vinskap síðan.
Kourtney var í sambandi með hnefaleikakappanum og fyrirsætunni Younes Bendjima á árunum 2016 til 2018.
Í dag er hún með trommaranum Travis Barker og hefur parið ekki farið leynt með samband sitt eftir að þau opinberuðu ást sína í febrúar á þessu ári. Turtildúfurnar virðast vera ástfangnar upp fyrir haus og eru sífellt að birta myndir af sér saman. Þau eru nú á ferð um Ítalíu og hefur paparazzi ljósmyndurum ekki leiðst að elta þau á röndum.
View this post on Instagram
Ein af þessum paparazzi myndum virðist hafa farið fyrir brjóstið á Scott Disick. Sögusagnir hafa verið á kreik um að Scott sé ekki sáttur við samband Kourtney og Travis, sérstaklega í ljósi hversu alvarlegt sambandið er orðið.
Það virðist vera eitthvað í þessum sögusögnum, sérstaklega eftir að Younes birti skjáskot í gærkvöldi af skilaboðum sem hann segist hafa fengið frá Scott.
Í skilaboðunum, sem eiga að vera frá Scott, segir Scott: „Jó, er þessi gella í lagi!???“ og sendir paparazzi mynd af Kourtney og Travis kyssast á bát á Ítalíu.
„Á meðan hún er hamingjusöm þá skiptir það mig engu máli,“ svaraði Younes.
Younes skrifaði síðan í annarri Instagram Story-færslu. „Gat ekki sleppt þessu. Hann hefur verið að láta svona of lengi, ég er orðinn þreyttur á að þegja og vera góði gaurinn,“ sagði hann.
Scott, 38 ára, er í sambandi með fyrirsætunni Ameliu Hamlin, 20 ára. Þau hafa verið saman síðan í október 2020.
