Jennifer Aniston var á dögunum í viðtali hjá Howard Stern á útvarpsstöðinni SiriusXM. Hún lét ýmislegt flakka í viðtalinu, eins og hver staðan á sambandi hennar og Brad Pitt sé í dag.

Leikkonan ræddi einnig um gestaleikarana en það voru þó nokkrir frægir gestaleikarar, eins og Danny DeVito, Alec Baldwin, Brad Pitt, Winona Ryder, Bruce Willis og Susan Sarandon. Hún sagði að það hefði verið einn leikari sem hefði verið einstaklega dónalegur. Hún vildi ekki nefna dónann á nafn en sagði að það hefði verið karlmaður.

„Hann lét eins og hann væri of góður fyrir þetta, að koma fram í gamanþætti,“ segir hún.

Hún rifjar upp hvernig framleiðendur þáttanna hlógu á æfingum sem greinilega pirraði gestaleikarinn. „Þessi maður var alveg: „Hlustið á þá, hlæjandi að eigin bröndurum. Svo heimskulegt, ekki einu sinni fyndið.“ Og ég var alveg: „Hvað ertu að gera hérna? Viðhorfið þitt passar ekki hérna inn. Þetta er yndislegur staður til að vera á og þú ert bara að koma hingað og drulla yfir það,“ segir hún.

Jennifer segir að dóninn hefði séð að sér og beðist afsökunar á hegðun sinni. „Það fyndna við þetta er að hann baðst afsökunar mörgum árum seinna og sagði að hann hefði verið mjög stressaður og þess vegna hegðað sér svona,“ segir hún.

Þó svo að Jennifer vildi ekki nefna neinn á nafn þá útilokaði hún tvo menn, Tom Selleck sem lék Dr. Richard Burke og Sean Penn, sem lék unnusta Ursulu, systur Phoebe.