Áheyrnaprufur í America‘s Got Talent standa nú yfir. Atriði komast ýmist áfram eða ekki en sum fá gullhnappinn svokallaða sem kemur atriðinu beint í undanúrslit. Hver dómari má gefa einu atriði gullhnappinn og svo fær Terry Crews, kynnir þáttanna, einnig tækifæri til að ýta á gullhnappinn og þar með koma atriði áfram í undanúrslit.

Taekwondo-atriði heillaði dómara og áhorfendur upp úr skónum. Dómararnir voru vægast sagt í sjokki yfir hæfileikum þeirra en það er hreint út sagt magnað hvað þessi öflugi hópur getur gert.

Terry fannst ekki neitt annað þýða en að gefa þeim gullhnappinn og fögnuðu dómararnir með þeim, enda vel verðskuldað að þeirra mati.

Horfðu á atriðið hér að neðan.