Candice Kloss er snillingur, bókstaflega. Hún fór í háskóla aðeins sautján ára gömul til að læra sálfræði en hætti í námi til að fara að vinna sem fasteignasali. Hún sneri síðan aftur í nám en nýtt starf freistaði hennar og nú starfar hún sem fyrirsæta á OnlyFans.

Greindarvísitala Candice er 136 og er hún þar með greindari en 98 prósent jarðarbúa. Hún er einnig er meðlimur í Mensa sem eru alþjóðleg samtök fólks með háa greind.

Útlit getur verið blekkjandi og segir Candice að margir telja hana vera „heimska“ og eru mjög hissa þegar þeir komast að sannleikanum. Hún segir að karlmönnum þykir greind hennar „ógnandi“. Mirror greinir frá.

„Karlmenn eru klárlega mjög hissa þegar þeir komast að því. Sumum þykir það kynþokkafullt en öðrum þykir það ógnandi af einhverri ástæðu,“ segir hún.

Þegar Candice var að vaxa úr grasi var hún „feimin“ og „vandræðaleg.“

„Ég átti frekar nördalega vini og var líka „strákastelpa“ þannig það var gert grín að mér fyrir að vera öðruvísi,“ segir hún.

„En núna er ég mun öruggari en kemur fyrir að ég sé feimin, þannig það kemur mér á óvart að karlmönnum þykir ég kynþokkafull.“

Candice græðir á tá og fingri á OnlyFans og sér ekki eftir neinu. Hún elskar frelsið sem vinnan hennar gefur henni. „Ég get búið hvar sem er og ferðast eins mikið og ég vil,“ segir hún.