Raunveruleikastjarnan Aisleyne Horgan-Wallace er með nokkuð óhefðbundið ráð þegar kemur að því að vinna gegn kvíða. Hún stundar kynlíf og mikið að því.
Aisleyne kom fyrst fram á sjónarsviðið þegar hún tók þátt í raunveruleikaþáttunum Big Brother árið 2006. Síðan þá hefur hún gert garðinn frægan sem fyrirsæta, leikkona, dálkahöfundur og komið fram í fjölda sjónvarpsþátta.
Í viðtali við Fabulous Digital afhjúpar hún leyndarmálið á bak við streitulausan lífsstíl. Hún segir það vera „kynlíf elskan og mikið af því. Farðu ofan á, það getur breytt hugarfarinu þínu alveg.“
„Þegar þú ert að glíma við þunglyndi þá finnst þér heimurinn bara yfirþyrmandi þegar þú vaknar á morgnanna. Það eru ákveðnir hlutir, eins og útgöngubann, sem valda mér meiri áhyggjum en vinum mínum. En ég veit að það er bara hvernig heilinn minn virkar,“ segir hún.
„Ég er með það á heilanum að hreyfa mig og halda mér í formi. Það hefur jákvæð áhrif á andlega heilsu mína.“
Aisleyne er einnig þekkt fyrir að vera með stærstu brjóstapúða sem eru leyfilegir í Bretlandi. Hún segist því miður ekki vera að fá neitt kynlíf þessa dagana þar sem hún er að jafna sig eftir aðgerð. Hún fór í „brazilian butt lift“ fyrir stuttu sem kostaði hana rúmlega 1,7 milljón krónur.
View this post on Instagram
En Aisleyne er að stunda „netkynlíf“ (e. cybersex) með karlmanni sem hún kýs að halda nafnlausum í fjölmiðlum.
„Það er einn maður í myndinni, en hann er í Norður-Írlandi þessa stundina. Við kynntumst í fyrra en takmarkanir vegna Covid eru að halda okkur í sundur. En þetta hefur gengið ágætlega. Við getum ekki stundað kynlíf þar sem ég er að jafna mig eftir aðgerð en erum að stunda netkynlíf. Ég er spennt að hitta hann þegar takmörkunum verður aflétt,“ segir hún.
Aisleyne hefur verið í nokkrum opinberum samböndum. Meðal annars með hnefaleikakappanum Mike Tyson og grínistanum Jack Whitehall.
Hún selur erótískt myndefni á OnlyFans. „Ég elska að taka myndir af mér sjálfri og ef þú getur „googlað“ brjóstin mín frítt, af hverju ætti ég ekki að hagnast á þeim sjálf?“ Segir hún.
