Þau Ósk Tryggvadóttir og Ingólfur Valur Þrastarson starfrækja bæði sitt hvora síðuna á OnlyFans og selja þar kynlífsmyndir og myndbönd. Ósk og Ingólfur búa saman en eru þó ekki í sambandi, þau mættu saman til þeirra Eddu Falak og Fjólu Sigurðardóttur í hlaðvarpið Eigin konur og ræddu um það hvernig það er að vera á OnlyFans.
OnlyFans er síða sem gerir notendum kleift að selja efni sitt til áskrifenda gegn mánaðarlegu gjaldi. Algengasta efnið þar er án efa nektar- og kynlífsefni en það er þó ekki það eina sem dregur fólk að síðunni. Yfirleitt er efnið þó á einhvern hátt kynferðislegt. Ósk og Ingólfur lýsa sínu efni sem erótík en þau tala í hlaðvarpinu um efnið sem þau deila á síðunni. Þau segja til að mynda frá upptökum af þeim að stunda kynlíf, ýmist tvö saman eða með öðru fólki. „Klám er svolítið niðrandi þannig erótík er svolítið rétta orðið,“ segir Ósk.
Ósk byrjaði fyrir rúmlega tveimur árum með sína OnlyFans-síðu en Ingólfur byrjaði í nóvember á síðasta ári. Þau segja markaðinn vera mjög svipaðan hjá þeim báðum, helsti markhópurinn þeirra eru gagnkynhneigðir karlmenn. Ingólfur er alltaf með öðrum stelpum í myndböndunum og myndunum sem hann deilir á sinni síðu, þau segja að hann gæti ekki fengið það sama úr síðunni ef hann væri bara einn. Ósk segir hins vegar að hún geti verið ein, það sé mun vinsælla að stelpur séu einar heldur en strákar á síðunni.
„Ég sést alveg stundum,“ segir Ingólfur en hann segir flesta af fylgjendum sínum ekki vilja sjá hann í því sem hann deilir á síðunni. „Ég segi þetta alltaf, ég er bara prop,“ segir Ingólfur og á þá við að hann sé nokkurs konar fylgihlutur í efninu sem er deilt.
Í hlaðvarpinu segja Ósk og Ingólfur frá ansi fyndnu atviki sem þau lentu í þegar þau voru að taka upp efni. „Viljiði kannski fá smá backstory áður en þið horfið á þetta,“ segir Ósk og útskýrir hvað gerðist áður en þau tóku upp myndbandið. „Við vorum bara í fíling. Við vorum að keyra og ég eitthvað svona: Hey eigum við kannski að taka upp tottmyndband inni í bíl?“ útskýrir hún og segir Ingólf hafa tekið vel í það.
„Við vorum að keyra um bæinn og finna stað og enduðum svo uppi í Nauthólsvík. Pörkuðum bílnum þar og vorum bara á fullu að taka upp myndband. Svo allt í einu heyri ég hann bara pikka í mig: LÖGREGLAN LÖGREGLAN. Og ég bara, með kjaftinn fullan og löggan bara kíkir inn, það næst sem sagt á myndbandinu“ segir Ósk. „Við fríkuðum bara út,“ segir Ingólfur þá. Myndbandið var þó ekki ónýtt en það seldist vel þar sem fólki fannst spennandi að lögreglan hafi mætt.
Hægt er að horfa á hlaðvarpið í heild sinni í spilaranum hér fyrir neðan:
