Hér er hún komin, brakandi fersk stjörnuspá fyrir vikuna. Hvað segja tarot-spilin um stjörnumerkið þitt?
Hrútur
21. mars–19. apríl
Hrúturinn fær Tíu í spjótum sem segir okkur að þetta verði óvenju erilsöm vika hjá þér. Þú finnur fyrir mikilli ábyrgðartilfinningu og þarft að biðja um smá hjálp til þess að komast yfir þenna hjalla.
Naut
20. apríl–20. maí
Nautið fær Vagninn, sem boðar miklar breytingar. Hér sjáum við þig pakka saman dótinu og tilbúið í nýtt ævintýri. Þetta spil kemur upp hjá fólki sem er að flytja eða færa sig í starfi, einhverjar breytingar sem eru kærkomnar
Tvíburi
21. maí–21. júní
Tvíburinn fær spilið Ás í stöfum sem er táknrænt fyrir nýtt upphaf. Þetta snýr að verkefnum eða vinnu. Ef þú ert að hugsa um að takast á við nýtt verkefni eða nýja áskorun þá segir spilið þér að núna sé góður tími til þess að hefjast handa.
Krabbi
22. júní–22. júlí
Krabbinn fær spilið Áttu í bikurum. Þú varðst fyrir ákveðnum vonbrigðum og ert núna að ákveða að taka völdin og snúa við blaðinu. Þú tekur erfiða ákvörðun um að sleppa því sem þjónar þér ekki lengur og kveður vinnu eða samband sem þjónar þér ekki lengur.
Ljón
23. júlí–22. ágúst
Ljónið fær Tvist í sverðum og stendur frammi fyrir erfiðri ákvarðanatöku. Þú ert hvatt til þess að líta inn á við og hlusta á innsæið. Þú í raun og veru veist svarið en ert hikandi, því það er ekki auðveld ákvörðun.
Meyja
23. ágúst–22 .sept
Meyjan fær Sjöu í myntum sem minnir þig á að ef þú finnir fyrir uppgjöf þá skulirðu ekki örvænta því það er ekki langt í land. Sjöan í myntum sýnir einstakling sem er búinn að leggja talsvert mikið á sig og er orðinn ansi þreyttur en verðlaunin eru rétt handan við hornið.
Vog
23. sept–22. okt
Vogin fær Hengda manninn sem minnir hana á að góðir hlutir gerast hægt. Það er vissulega verið að reyna á þolinmæðina þína en allt er eins og það á að vera, treystu flæðinu og njóttu þess að taka því rólega á meðan þú bíður uppskerunnar.
Sporðdreki
23. okt–21. nóv
Sporðdrekinn fær Djöfulinn sem er aldrei eins dramatískt og það hljómar og langt frá því að vera slæmt spil. Djöfullinn er táknrænn fyrir samninga. Þú ert að fara að skrifa undir mikilvægan samning í vikunni, en gættu þess vel að lesa smáa letrið.
Bogmaður
22. nóv–21. des
Bogmaðurinn fær Tíu í bikurum sem boðar einhvern fjölskyldufögnuð. Mögulega verður þér boðið í brúðkaup, einhver nákominn þér á von á barni eða þú færð góða ástæðu til þess að draga fram kampavínið og fagna nýjum áfanga.
Steingeit
22. des–19. janúar
Steingetin fær Tvist í spjótum og stendur frammi fyrir því að skipuleggja vel komandi tíma. Hér ert þú að leggja góðan grunn að nýju verkefni sem mun bera góðan árangur
Vatnsberi
20. janúar–18. febrúar
Vatnsberinn fær Tíu í sverðum. Þetta spil minnir þig á að ef þér finnst utanaðkomandi aðstæður vera að þrengja að þér þá er kannski tímabært að gera breytingar. Þú ert alltaf við stjórnvölinn þó að þér líði ekki alltaf þannig.
Fiskur
19. febrúar–20. mars
Fiskurinn fær Þrist í myntum. Þú ert að fara að hefja eitthvað skemmtilegt og skapandi samstarf. Þetta virðist tengjast vinnu og verður afar farsælt samstarf sem mun gefa af sér meira peningaflæði, beinustu leið í vasann þinn.
