Karlmaður leitar ráða til Dear Deidre, kynlífs- og sambandsráðgjafa The Sun. Kærastinn hefur verið honum ótrúr.
„Ég hef elskað kærasta minn í fjögur ár en ég þoli hann ekki núna. Hann segist vera haldinn kynlífsfíkn og viðurkenndi að hafa haldið framhjá mér með að minnsta kosti 30 öðrum karlmönnum. Þegar ég horfi til baka sé ég að ég hefði átt að vera löngu búinn að átta mig á þessu,“ segir hann.
Maðurinn kynntist kærastanum sínum á stefnumótasíðu fyrir samkynhneigða. Hann var þá 28 ára og kærastinn 30 ára. Tveimur vikum seinna ferðaðist hann frá London til Newcastle til að hitta hann.
„Við áttum frábært kvöldið. Hann fór á klósettið og þegar hann kom til baka var hann í uppnámi og sagðist hafa orðið fyrir kynferðisofbeldi. Hann sagði mér síðan sannleikann fyrir tveimur mánuðum, þetta var allt lygi. Hann laug þessu því hann svaf hjá öðrum karlmanni inni á klósettinu og vissi að hann myndi ekki komast í sturtu áður en hann myndi sofa hjá mér.“
Maðurinn segir að kærastinn hafi sagt honum upp og flutt í kjölfarið út til að vinna í sínum málum. „Ég er niðurbrotinn og hef ekki sofið almennilega síðan. Ég á erfitt með að ná mér aftur á strik.“
Deidre gefur manninum ráð og hvetur hann áfram.
„Þú getur og átt eftir að ná þér aftur á strik. Algeng ástæða fyrir því að fólk lýgur og heldur framhjá er lágt sjálfstraust. Þetta var hans vandamál og ekkert sem þú gerðir orsakaðir þetta.“
