Sjónvarps- og samfélagsmiðlastjarnan Jessica Alves segir karlmenn bjóða himinháar fjárhæðir fyrir meydóm hennar.
Jessica Alves vakti fyrst heimsathygli fyrir að hafa eytt rúmlega hundrað milljón krónum í fegrunaraðgerðir. Hún var þekkt sem „mannlega Ken-dúkkan“, áður en hún kom út sem transkona í byrjun árs 2020. Nú er hún þekkt sem Jessica Alves, hefur komið fram í fjölda sjónvarpsþátta og er vinsæl á samfélagsmiðlum.
Jessica gekkst nýlega undir kynleiðréttingaraðgerð og sagði frá því í viðtali í breska morgunþættinum This Morning að hún væri ótrúlega ánægð með „nýju píkuna“ sína.
Sjá einnig: Himinlifandi með „nýju píkuna“ og getur ekki beðið eftir því að stunda kynlíf
Í síðustu viku deildi hún nektarmynd af sér í Instagram Story, en var með „tjákn“ fyrir kynfærum og brjóstum. Jessica endaði með að eyða myndinni því í kjölfar myndbirtingarinnar fékk hún fjölmörg tilboð frá karlmönnum sem vildu ólmir „svipta hana meydómnum.“ Hún greinir frá þessu í samtali við Mail Online.
„Ég eyddi myndinni því fullt af karlmönnum voru að senda mér skilaboð og ég vissi ekki hvernig ég átti að höndla það. Sumir buðu mér meira að segja pening fyrir að svipta mig meydómnum,“ segir hún.
„Einn maður bauð mér 2,7 milljónir króna! Ég myndi aldrei selja líkama minn. Ég er í leit að ást, ekki pening.“
Jessiaca vonast til að „missa meydóminn“ með einhverjum „sérstökum.“
„Ég vil að sá dagur verði töfrum líkastur og ef ég þarf að bíða eitthvað lengur eftir hinum rétta, þá geri ég það.“
