Móðir hefur komið af stað harðvítugri deilu á netinu eftir að hún viðurkenndi að hún reykir kannabis á hverjum degi og sagði það gera sig að betri móður.
Caitlin Fladager, 27 ára, býr í Vancouver í Kanada, þar sem neysla, kaup og sala í afþreyingar- og lækningaskyni er lögleg.
Caitlin er tveggja barna móðir og áhrifavaldur, með um 350 þúsund fylgjendur á Instagram. Hún opnaði sig um kannabis-notkun sína á Instagram. News.au greinir frá.
„Mér finnst það svo fyndið hvað allir eru á móti kannabis. Enginn pælir í því þegar móðir segist njóta þess að fá sér rauðvín eða hvítvín eftir að börnin eru sofnuð. En þegar mamma segist reykja gras þá fá allir áfall,“ segir hún.
Caitlin varð ólétt af sínu fyrsta barni þegar hún var átján ára. Hún og æskuástin gengu í það heilaga og eignuðust annað barn.
„Ég hef aldrei verið mjög þolinmóð móðir. Kannabis gerir mig að betri móður. Ég fæ góðan nætursvefn eftir að ég reyki. Ég vakna vel hvíld með skýran huga.“
Caitlin beinir orðum sínum að öðrum foreldrum: „Það er í lagi að reykja gras eftir að börnin ykkar eru sofnuð. Það er í lagi að reykja til að vinna gegn kvíða. Minn kvíði hefur lagast til muna eftir að ég byrjaði að reykja. Það er í lagi að reykja til að þyngjast. Ég hef alltaf verið langt undir kjörþyngd. Ég hef aldrei verið í jafn heilbrigðri þyngd eins og núna.“
Caitlin segir að hún hafi átt vandamál með áfengi áður en hún byrjaði að reykja, en finnur ekki lengur fyrir þörfinni að drekka lengur.
„Kannabis er mitt vínglas, mín bjórdós. Þetta er minn tími til að slaka á. Þú getur alveg verið geggjuð mamma og reykt kannabis.“
Færslan hefur fallið misvel í kramið hjá netverjum og komið af stað harðvítugri deilu um kannabisnotkun foreldra.
„Hvort sem þú reykir kannabis á hverjum degi eða drekkur áfengi, þá er það samt vandamál,“ segir einn netverji.
Nokkrir netverjar segja að hún ætti ekki að reykja kananbis þegar hún væri ein með börnin, ef eitthvað kæmi upp á þá þyrfti hún að vera reiðubúin.
„Þú getur keyrt börnin þín á sjúkrahúsið eftir eitt vínglas, en ekki ef þú ert búin að reykja.“
View this post on Instagram
