Hér er hún komin, brakandi fersk stjörnuspá fyrir vikuna. Hvað segja stjörnurnar um næstu viku ?
Hrútur
21. mars–19. apríl
Ef þér líður eins og enginn heyri í þér eða sjái þig í vinnunni eða heima við þá verður breyting þar á í þessari viku. Þú nærð að koma skýrt til skila því sem þú ert með í huga og fólk tekur það til sín og er tilbúið að vinna með þér. Vikan endar með óvæntum glaðningi.
Naut
20. apríl–20. maí
Vikan þín mun snúast um ákvarðanir og valmöguleika. Þú þarft að gefa þér góðan tíma til þess að vega og meta aðstæður og hvað sé best fyrir þig á þessari stundu. Vertu ófeimin/n við að taka eigingjarnar ákvarðanir.
Tvíburi
21. maí–21. júní
Tvíbbinn er einstaklega uppátækjasamur og þá sérstaklega þegar honum leiðist. Þú finnur þér nýtt áhugamál sem er að sjálfsögðu ekkert hefðbundið og ferð í það af fullum krafti. Þú mátt búast við að fólkið á heimilinu ranghvolfi augunum, en hey, vertu bara þú!
Krabbi
22. júní–22. júlí
Krabbinn þarf að byggja sig upp andlega og líkamlega á ný til að takast á við nýja, spennandi tíma. Þú prófar þig áfram og lærir Thai Chi sem er akkúrat verkfærið sem þig vantaði inn í líf þitt um þessar mundir
Ljón
23. júlí–22. ágúst
Einhver mun veita þér mikinn innblástur þessa vikuna! Þessi innblástur mun hvetja þig til þess að taka sjálfur skrefið til að uppfylla þína eigin drauma, jafnvel þótt því fylgi einhver óvissa. Lifðu lífinu lifandi og taktu áhættu.
Meyja
23. ágúst–22 .sept
Svakalega sexý vika fram undan, það byrjar allt með sjálfsástinni því það er mest sexý. Og þegar maður elskar sjálfan sig þá verður maður enn heitari fyrir sínum heittelskaða. Farðu extra varlega ef þú ert ekki að huga að því að fjölga þér.
Vog
23. sept–22. okt
Vogin er veiðimaður þessa dagana með alla öngla úti. Þér líður eins og Jim Carrey í myndinni „Yes Man“ því þú virðist segja já við öllum tækifærum sem koma á borðið til þín. Það verður mikið um að vera hjá þér á næstu misserum.
Sporðdreki
23. okt–21. nóv
„Help me help you…“ eins og hinn áhugaverði Doctor Phil sagði eitt sinn. Núna er kjörið tækifæri til að biðja um aðstoð eða hugsa út í hvernig þú getur létt á álaginu. Hver getur hjálpað eða jafnvel bara verið til staðar og hlustað…?
Bogmaður
22. nóv–21. des
Í þessari viku lærir þú hvernig það er hægt að vera afkastamikill og slakur á sama tíma. Það er góð tilfinning. Hlutirnir ganga grunsamlega vel upp þessa vikuna. Þú er „zenaður big boss“ og það fer þér einstaklega vel.
Steingeit
22. des–19. janúar
Sumir fengu gubbupestina en þú virðist hafa fengið munnræpuna. Stjörnurnar biðja þig um að vanda vel orðavalið. Stundum þarf að fegra orðin sín og það dugar ekki að setja broskarla í reiðipóstinn, betra væri að taka samtalið í persónu.
Vatnsberi
20. janúar–18. febrúar
Það má alveg róa sig í kaldhæðninni því hún er jú gjarnan misskilin. Prófaðu kannski frekar að segja bara beint út það sem þú ert að hugsa. Það gæti komið þér á óvart hversu vel það gengur og hversu vel fólk bregst við hreinskilni.
Fiskur
19. febrúar–20. mars
Þú, af öllum, ákveður að fara út að hlaupa þessa vikuna! Þú ferð inn í vikuna með óvenjumikla orku og langar að taka þig á en helstu æfingar þínar hafa verið í að lofta vínflöskum en það byggir hægt upp handleggsvöðvana.
