Guðrún Sigríður Sæmundsen hefur sent frá sér sína þriðju skáldsögu, sem ber heitið Rósa. Guðrún fagnaði bókinni í útgáfuhófi í Máli og menningu á fimmtudaginn og var þar vel mætt.
Fyrri tvær skáldsögur Guðrúnar flokkast undir spennu og drama en Rósa er sálfræðitryllir.
Síðasta bók Guðrúnar, Andstæður, kom út árið 2018 og fékk góðar viðtökur.
Sjá viðtal DV við Guðrúnu um Andstæður
Í Rósu þarf samnefnd aðalpersónan að glíma við þá spurningu hvort hún sé heltekin af hugarburði eða hvort fyrrverandi unnusti hennar sé að ofsækja hana. Hvað er raunverulega að gerast? Á meðan Rósa leitar svara fyllist hún sífellt meiri afbrýðisemi gagnvart æskuvinkonu sinni Díönu og fjölskyldulífi hennar sem virðist svo innihaldsríkt og fullkomið. Ógnvænlegir atburðir eiga sér stað og Rósa sogast skyndilega inn í framvindu sem hún hefur enga stjórn á. Hverjum getur hún treyst? Er henni sjálfri treystandi?
Meðfylgjandi eru myndir úr líflegu útgáfuteitinu frá því á fimmtudaginn og undir fréttinni er kynningamyndband sem fangar drungalega og dularfulla stemningu sögunnar.
RÓSA - kynningarmyndband
