Fátt var jafn mikið á milli tannanna á fólki í byrjun árs 2019 en meint ástarsamband Bradley Cooper og Lady Gaga. Þau áttu stórleik saman í kvikmyndinni A Star is Born og leikur þeirra í myndinni var svo sannfærandi að fólk var handvisst um að þau væru í raun og veru ástfangin. Orðrómurinn varð enn háværari eftir að þau sungu saman lagið „Shallow“  á Óskarsverðlaunahátíðinni í febrúar 2019. Frammistaðan var tilfinningaþrungin og gerði allt vitlaust á samfélagsmiðlum.

Sjá einnig: Flutningur Lady Gaga og Bradley Cooper á Óskarnum vekur athygli

Lady Gaga þvertók fyrir sögusagnirnar í viðtali hjá Jimmy Kimmel á sínum tíma.

Sjá einnig: Lady Gaga ranghvolfdi augunum þegar hún var spurð út í Bradley Cooper

Bradley Cooper tjáði sig hins vegar aldrei um orðróminn fyrr en nú í samtali við Hollywood Reporter.

Hann sagði að þau væru „klárlega að leika“ þegar þau sungu „Shallow“ á Óskarnum. Það er einföld ástæða fyrir því að frammistaðan var svona tilfiningaþrungin. Leikarinn var búinn að sjá fyrir sér að flutningur þeirra yrði eins og atriði úr myndinni til að draga úr hræðslu hans við að syngja fyrir framan áhorfendur.

„Bara frá persónulegu sjónarhorni þá dregur það úr kvíða,“ segir hann og bætir við. „[Karakterarnir í myndinni] verða eiginlega ástfangin í þessu atriði í myndinni. Það er þetta eldfima augnablik sem þau upplifa á sviði fyrir framan þúsundir einstaklinga. Það hefði verið svo skrýtið ef við hefðum bæði setið á stól og snúið að áhorfendum.“

Sjá einnig: Bradley Cooper gaf Lady Gaga fallegt ráð áður en þau stigu á svið á Óskarnum

Sjáðu flutning þeirra á Óskarnum hér að neðan.