Breski fjölmiðlamaðurinn Jeremy Clarkson situr nú undir harðri gagnrýni vegna ummæla sinna um sænska aðgerðasinnann Gretu Thunberg. Hann sagði hana verðskulda að vera rassskellt. Independent greinir frá.

Jeremy, sem er 61 árs, var að deila skoðunum sínum í pistli í The Sunday Times. Í pistlinum sagði hann að Greta, sem er 18 ára, hefði ekki „hugmynd um hvernig heimurinn virkar.“

Hann sagði einnig að Greta væri að „kafna úr eigin egói“ eftir að hún kom fram á loftslagsráðstefnunni COP26 í Glasgow í síðustu viku.

„Ég einfaldlega skil ekki Thunberg fyrirbærið. Hún hefur ekki hugmynd um hvernig heimurinn virkar, hún kann enga mannasiði og enga skólagráðu því í stað þess að fara í skóla hefur hún verið upptekin við að sigla í kringum heiminn svo hún getur verið geðstirð og vond við fullorðið fólk. Það sem hún þarf er að vera rassskellt,“ sagði Jeremy.

Þessi ummæli hans hafa verið harðlega gagnrýnd á samfélagsmiðlum. Bæði fyrir að vera furðuleg og óviðeigandi fyrir fullorðinn mann að segja um unga konu.

„Það að 61 árs Jeremy Clarkson hefði sagt að 18 ára Greta Thunberg eigi skilið að vera rassskellt verðskuldar miklu meiri viðbrögð en það fékk,“ segir einn netverji.

„Miðalda hvítur maður að nota pistil til að ráðast á unga stelpu sem hefur áhyggjur af umhverfinu er bara fokking skrýtið,“ segir annar.

„Það er eitthvað óhugnanlegt og ógeðslega skrýtið við tilraun Jeremy Clarkson til að vera fyndinn á meðan hann missti sig yfir Gretu Thunberg,“ segir einn netverji á Twitter.