Í gær bárust frengir þess efnis að tónlistarmaðurinn vinsæli, Kanye West, væri farinn að slá sér upp með fyrirsætunni Vinetria. Fyrirsætan kýs að koma fram aðeins undir fornafni og notast opinberlega ekki við eftirnafn sitt. Samkvæmt heimildarmönnum miðilsins Page Six hafa þau Kanye og Vinetria verið að hittast um nokkurra mánaða skeið, en fyrst sáust þau opinberlega saman á körfuboltaleik í Minneapolis síðustu helgi.
Þessar fregnir hafa nú kveðið niður þrálátan orðróm um að Kanye sé að taka aftur saman við eiginkonu sína, raunveruleikastjörnuna Kim Kardashian West, en þau hafa verið skilin að borði og sæng í nokkurn tíma.
Fjölmiðlar vestanhafs keppast nú við að grafa upp upplýsingar um þessa dularfullu Vinetriu og eins að varpa ljósi á hvernig leiðir hennar og Kanye lágu saman.
Hér er allt sem við vitum um Vinetriu.
Kanye er rúmlega tuttugu árum eldri en Vinetria. Hann er 44 ára og hún 22 ára
Vinetria er fyrirsæta á skrá hjá Public Image Management. Hún er tiltölulega ný í bransanum og er 1,75 cm á hæð.
Vinetria er með 407 þúsund fylgjendur á Instagram en það er aðeins að finna tólf færslur á síðunni hennar. Samkvæmt fjölmiðlum vestanhafs eyddi hún út hundruðum mynda áður en hún og Kanye opinberuðu samband sitt.
Samkvæmt DailyMail er Vinetria mikill aðdáandi Kardashian fjölskyldunnar. Hún deildi nýlega færslu á Twitter þar sem hún fagnaði trúlofun Kourtney Kardashian og Travis Barker.
„Svo svo svo hamingjusöm fyrir Kourtney Kardashian,“ skrifaði hún á Twitter. Hún deildi einnig mynd af parinu í París.
— VINETRIA (@VINETTRIA) October 18, 2021
Undanfarið hefur Vinetria birt ástarjátningar á Twitter. Hún hefur deilt nokkrum rómantískum tístum, en nefnir þó engan á nafn. Í ljósi nýrra tíðinda telja þó margir ljóst að hún sé að játa ást sína á Kanye, en það er þó ekki staðfest.
Þann 3. nóvember tísti hún: „ily. I love you. I LUH-OOVE uu.“ Hún sagði svipað 19. október þegar hún tísti: „I love. You. More. Than. Anything.“
