Samfélagsmiðlastjarna og OnlyFans-fyrirsæta hefur verið harðlega gagnrýnd eftir að hafa deilt myndum af sér fyrir framan kistu föður síns. Gagnrýnendur hafa kallað færsluna „ógeðslega“, „viðbjóðslega“ og „sjúka.“
Jayne Rivera er frá Miami í Flórída. Hún skaust upp stjörnuhiminninn á TikTok fyrir myndbönd sín um tísku, ferðalög og sundfatnað.
Í síðustu viku greindi hún frá því á Instagram að faðir hennar, fyrrum hermaður, væri látinn. Í gær deildi hún síðan færslu með nokkrum myndum af sér þar sem hún stillir sér upp fyrir framan kistu látins föður síns.
„RIP pabbi þú varst besti vinur minn. Lifðir lífinu til fulls,“ skrifaði hún með myndunum.
Það er óhætt að segja að myndirnar hefðu vakið úlfúð netverja. Fylgjendur hennar voru fokreiðir og sökuðu hana um að sýna föður sínum virðingarleysi.
„Ekki töff Jayne. Pabbi þinn var margheiðraður uppgjafarhermaður, myndataka fyrir framan kistuna hans er fyrir neðan allar hellur. Megi hann hvíla í friði,“ sagði einn fylgjandi hennar.
„Myndataka í jarðaför? Jesús,“ sagði annar.
„Þetta er bara sjúkt, alveg virkilega ógeðslegt,“ sagði fylgjandi og annar bætti við: „Sú staðreynd að þú deilir einhverju svona segir okkur allt sem við þurfum að vita um þig.“
„Samfélagsmiðla kynslóðin hefur formlega náð botninum,“ segir einn netverji og hafa yfir 5700 manns líkað við athugasemdina.
Jayne lætur ekki gagnrýnina á sig fá, þrátt fyrir að hafa misst fjölda fylgjenda, og er færslan enn á Instagram-síðu hennar.
View this post on Instagram
