Brynja Dan Gunnarsdóttir, varaþingmaður Framsóknarflokksins, einn eigandi Extraloppunnar og áhrifavaldur, fékk sér púða í brjóstin fyrir ellefu árum. Síðan þá upplifði hún ýmsa fylgikvilla, eins og verki, þreytu, erfitt að anda með nefinu, ofnæmi og fleira. Hún ákvað því að láta fjarlægja þá og segist strax hafa andað léttar.
Brynja Dan opnaði sig fyrst um málið á Instagram og ræddi það enn frekar í Reykjavík Síðdegis á Bylgjunni í gær.
View this post on Instagram
Brynja Dan segir að á þeim tíma sem hún fékk sér púðana, 25 ára og nýbúin að eignast barn, hefði hún verið brotin, lítil í sér og frekar týnd.
„Einhvern veginn að reyna að plástra sjálfstraustið og geðjast öðrum en mér,“ segir hún og bætir við að hún hefur ekki þolað þá síðan hún fékk sér þá.
„Vont að hlaupa, gera armbeygjur, hoppa, sofa á maganum, finn ekki stærðina mína í fötum, alltaf þreytt, með ofnæmi fyrir öllu, get ekki andað með nefinu og fleira,“ segir hún.
Brynja ræddi málið enn frekar í Reykjavík Síðdegis í gær. Hún vekur athygli á breast implant illness, einkennin má skoða í töflunni hér að neðan.
„Auðvitað er þetta aðskotahlutur í líkamanum og einhverjir líkamar eru alltaf að reyna að hafna honum, hvort sem [púðinn] er farinn að leka eða ekki,“ segir Brynja Dan.
Sjá einnig: Heiðrún veiktist illa vegna brjóstapúða: „Ég var með flensueinkenni og leið mjög illa andlega“
Brynja fór í aðgerðina fyrir viku síðan og var mætt aftur til vinnu nokkrum dögum síðar. Hún segir að bataferlið hefði verið auðvelt og hún hefði ekki verið verkjuð.
„Um leið og ég vaknaði fann ég að það var auðveldara að anda. Þetta eru þyngsli, það er erfiðara að hreyfa sig oft […] Mér hefur aldrei fundist það þægilegt,“ segir hún í Reykjavík Síðdegis.
Brynja tekur það fram að hún skilur vel að fólk ákveði að fá sér púða eða þurfi á þeim að halda. „Ég vona að þær og þau sem það velja, velji það 100 prósent fyrir sig og engan annan og ekki af því að samfélagið eða einhver annar gerir kröfur um það,“ segir hún.
Þú getur hlustað á viðtalið við Brynju í heild sinni hér að neðan.
