Söngvarinn Enrique Iglesias, 46 ára, og tennisstjarnan Anna Kournikova, 40 ára, kynntust árið 2001 við tökur á tónlistarmyndbandi fyrir stórsmellinn „Escape“.

Parið hefur verið saman síðan þá og eiga saman þrjú börn. Tónlistarmyndbandið er vægast sagt sjóðheitt. Í því má sjá þau kyssast í bíl, í tómum bíósal og á almenningssalerni.

Enrique greindi frá því nýverið í útvarpsþættinum The Jess Cagle Show hvað börnunum þeirra finnst um myndbandið.

„Ég held að börnin mín, eða nei ég veit að börnin mín hafa séð myndbandið,“ sagði hann.

Enrique og Anna eiga tvíburana Nicholas og Lucy, sem eru þriggja ára, og Mary sem er tuttugu mánaða gömul.

„Og þau eru að setja tvo og tvo saman,“ sagði hann.

Enrique sagði að þau kannast við röddina hans þegar þau heyra lögin hans. „Sem er frekar töff,“ sagði hann og bætti við að börnin væru með nokkrar spurningar þegar kemur að tónlistarmyndbandinu fræga.

„Ég held að myndbandið slær þau aðeins út af laginu. „Hvað er mamma að gera þarna? Með pabba? Hvenær var þetta?“ Það er reyndar alveg ótrúlegt að fylgjast með þeim horfa á myndbandið, þetta er frekar svalt,“ sagði hann.

Horfðu á myndbandið hér að neðan.