Greta Salóme Stefánsdóttir söngkona og unnusti hennar, Elvar Þór Karlsson, keyptu sér sumarbústað árið 2016. Þau gerðu hann upp í ár og eins og sést á meðfylgjandi myndum tóku þau hann gjörsamlega í nefið.
Bústaðurinn er við Laugarvatn og mætti segja að hann hafi verið draumabústaður Gretu. Foreldrar hennar eiga bústaðinn við hliðina á og eyddi Greta stórum hluta æskunnar þar.
„Við vorum öll sumur hérna og ég á svo margar góðar minningar. Ég mundi alltaf eftir þessum bústað, mér hefur alltaf þótt hann flottur og alltaf langað til að eiga hann. Árið 2016 var bústaðurinn settur á sölu og við eiginlega stukkum á hann. Systir mín á bústaðinn við hliðina á okkur, þannig við fjölskyldan erum öll í röð,“ segir Greta.
Greta og Elvar nýttu tækifærið á meðan Greta var ekki að túra tuttugu daga mánaðarins vegna kórónuveirufaraldursins og byrjuðu í framkvæmdum.
„Við fórum í framkvæmdir beint eftir páska. Ef ég hefði vitað hvað þetta væri ógeðslega mikil vinna þá hefði ég örugglega aldrei byrjað á þessu,“ segir Greta hlæjandi og bætir við:
„Þetta er samt búið að vera svo ótrúlega skemmtilegt og geggjað verkefni.“
Allur bústaðurinn var málaður hvítur frá toppi til táar og var það gríðarlega mikil vinna. „Ég myndi ekki óska mínum versta óvini að gera þetta,“ segir hún og hlær.
Eldhúsinnréttinginn fékk nýtt líf, hún var spreyjuð og nýjar höldur voru settar á skápana.
Greta hefur auglýst bústaðinn til leigu og geta áhugasamir lesið nánar um bústaðinn á Facebook-síðu Gretu og sent tölvupóst á konungsvegur@gmail.com
Greta segir að viðbrögðin hafa verið ótrúleg og síminn hafi varlað stoppað.
Sjáðu fleiri myndir hér að neðan.
