Hér er hún komin, brakandi fersk stjörnuspá fyrir vikuna. Hvað segja stjörnurnar um næstu viku ?
Hrútur
21. mars–19. apríl
Nú verða þér allir vegir færir, eða færari öllu heldur. Þú hefur ekki átt auðveldustu vikurnar upp á síðkastið en sérð nú fyrir endann á því. Þú hefur fengið það svigrúm sem þú þurftir til þess að núllstilla þig. Fjárfestu í sjálfum þér er mottó komandi daga!
Naut
20. apríl–20. maí
Lausn við ákveðnu vandamáli eða svar við spurningu sem þú hefur gengið með í kollinum síðustu misseri kemur til þín. Verður mikið „aha“ augnablik því lausnin eða svarið verður svo skýrt og augljóst. Niðurstaða sem mun færa þér mikla gleði.
Tvíburar
21. maí–21. júní
Should I stay or should I go now? er lag vikunnar hjá sæta tvíbbanum. Þú veist ekki alveg í hvorn fótinn þú átt að stíga. Hvernig væri bara að stíga lítinn dans í staðinn? Þú hefur mikla þörf fyrir breytingar
Krabbi
22. júní–22. júlí
Þetta verður góð vika varðandi peninga fyrir Krabbann. Einhver ákvörðun eða tækifæri sem kemur upp mun skila vel af sér. Stöðuhækkun eða aukin viðskipti eru í orkunni sem umlykur þig. Þú segir „já, takk“ og „loksins“, enda hefur þú beðið eftir þessu.
Ljón
23. júlí–22. ágúst
Ástamál eru þér ofarlega í huga. Ef þú ert einhleypt þá þarftu að stíga út fyrir þægindarammann og taka fyrsta skrefið. Ef þú ert hins vegar í sambandi þá er kannski komið að þér að leggja eitthvað Icy Spicy tilboð á borðið. Málin eru í þínum höndum.
Meyja
23. ágúst–22 .sept
Horfðu í spegilinn og segðu eftirfarandi: „Ég get, ég ætla, ég skal!“ Þú hefur haft einhverjar efasemdir upp á síðkastið en finnur kraftinn og fókusinn þinn á ný. Þú ert færari í að sjá framfarirnar í litlu skrefunum, sem síðan munu koma þér á leiðarenda.
Vog
23. sept–22. okt
Á meðan þú lofar þér að fara rólega inn í árið þá sérðu fyrir þér stóra hluti á árinu. Þú ert tilbúin í breytingar og ný tækifæri. Þessa vikuna leggur þú grunnvinnu að þeim verkefnum sem munu koma til þín. Einn tölvupóstur er mögulega byrjunin á nýju ævintýri.
Sporðdreki
23. okt–21. nóv
Sporðdrekinn fær spennandi fréttir þessa vikuna frá kærum fjölskyldumeðlim. Þú nýtur þín í faðmi fjölskyldunnar og tekur því óvenju rólega miðað við hversu ör þú ert venjulega, elsku Sporðdreki. Savasana er mantran þín.
Bogmaður
22. nóv–21. des
Þó að þú skiljir manna best hugtakið að eyða peningum til þess að búa til peninga þá þýðir það ekki að það taki ekki aðeins á taugarnar. Ekkert sem eitt stykki gott Excel-skjal og rauðvínsglas getur ekki lagað. Gefðu þér góðan tíma til þess að skipuleggja vel næstu skref til þess að halda utan um planið.
Steingeit
22. des–19. janúar
Neyðin kennir naktri konu að spinna og þú ert síður en svo allsber. Þínum plönum var hent út um gluggann en þannig byrja bestu ævintýrin. Þú ert til í þessar breyttu aðstæður og hefst handa við að búa til ný tækifæri.
Vatnsberi
20. janúar–18. febrúar
Þú ert óvenju eirðarlaus þessa vikuna og finnur þér alls konar skemmtilegt að gera. Þú gengur á nokkur fjöll, ferð í sjósund, bakar nokkrar kökur og heldur eitt lítið og gott matarboð. Skemmtileg og uppátækjasöm vika fram undan
Fiskar
19. febrúar–20. mars
Ekki örvænta þótt það verði ekki mikið úr vikunni. Þú eyðir megninu af tímanum í dagdrauma sem eru alls ekki sóun á tíma því það getur verið byrjunin á einhverju mögnuðu! Það er „Manifest“ vika fram undan hjá flæðandi Fisknum.
