Jessica Tawil er 22 ára, frá New Jersey og lömuð fyrir neðan mitti. Hún byrjaði að deila myndböndum á TikTok í nóvember í fyrra og hefur síðan þá fengið tæplega milljón fylgjendur og vakið athygli fjölmiðla, meðal annars BuzzFeed.
Jessica sýnir frá daglegu lífi sínu á samfélagsmiðlum, hvernig það er að vera ung kona í hjólastól og hvaða áhrif það hefur á líf hennar.
Í nýju myndbandi er hún með eins konar sýnikennslu sem allir geta prófað. Með því að framkvæma einfalda handaræfingu getur þú „fundið“ hvernig það er að vera lamaður. Jessica man þegar hún fann fyrst þessa æfingu.
„Mér fannst þetta ótrúlegt því mér líður nákvæmlega svona í fótunum eins og mér leið í fingrunum,“ segir hún.
Myndbandið hefur vakið gríðarlega athygli og hafa fjölmargir skrifað við það og sagt æfinguna hafa verið kvíðavaldandi og þeim hafi ekki líkað tilfinningin.
Horfðu á myndbandið hér að neðan og prófaðu æfinguna.
@jesstawil#foryoupage #fyp #foryou #whatilearned #stemlife #needtoknow #weekendvibes #bekind #spinalcordinjury #productivity #disability #medical #paralyzed♬ Epic Emotional – AShamaluevMusic
