Bríet stígur á svið með Rubin Pollock og Þorleifi Gauki í Sky Lagoon þann 7. september næstkomandi. Saman ætla þau að skapa ógleymanlega upplifun. Húsið opnar klukkan 20:00 og tekur DJ Margeir á móti tónleikagestum.
Miðasala hefst klukkan 12:00 í dag á Tix.is. Allur ágóði af tónleikunum rennur óskertur í Fjársjóð barna, nýstofnaðan sjóð sem styrkir verkefni sem stuðla að aukinni velsæld, velferð og hamingju barna. Fyrsta úthlutun sjóðsins mun renna til Rjóðurs, hjúkrunar-, hvíldar- og endurhæfingardeild fyrir langveik börn.
Þessir tónleikar eru lokahnykkurinn í Gefðu fimmu söfnun sumarsins sem hefur vakið mikla athygli á samfélagsmiðlum.
Gefðu fimmu er skemmtilegt hreyfi- og fjáröflunarátak, þar sem þátttakendur geta gert sjálfum sér og öðrum gott, styrkt góð málefni og skorað á vini, fjölskyldu og samstarfsfélaga um að gera slíkt hið sama.
Þú getur lesið nánar um átakið Gefðu fimmu hér.
