Sjónvarpskokkurinn skapstóri Gordon Ramsay er staddur á Íslandi þessa stundina. Í kvöld fór hann út að borða á veitingastaðinn Sushi Social, en þar fór fram Carnival.
Gordon Ramsay er hvað þekktastur fyrir að koma fram í raunveruleikaþáttum líkt og Hell’s Kitchen, Kitchen Nightmares og MasterChef.
Í kvöld sat hann ásamt félögum á veitingastaðnum vinsæla Sushi Social og snæddi mat og drykk á meðan Carnival fór fram.
„Það verður glimmer, gleði og góðar víbrur í loftinu og öllum auðvitað frjálst að dansa og njóta lífsins.“ sagði DJ Dóra Júlía sem spilaði á Carnivalinu á Sushi Social í fréttatilkynningu sem sendist á fjölmiðla í dag, en fjöldi skemmtiatriða voru þar í kvöld, auk sérstakra tilboða á veitingum.
