fbpx
Miðvikudagur 02.apríl 2025
Fókus

Kylie Jenner afhjúpar af hverju Travis Scott kom ekki fram í þáttunum

Guðrún Ósk Guðjónsdóttir
Föstudaginn 18. júní 2021 08:39

Travis Scott og Kylie Jenner. Mynd/Getty

Ekki missa af Helstu tíðindum dagsins í pósthólfið þitt

Lesa nánar

Í gær kom út sérstakur endurfunda (e. reunion) þáttur Keeping Up With The Kardashians. Allar systurnar og móðir þeirra, Kris Jenner, settust niður til að ræða um líf sitt undanfarin 14 ár síðan þættirnir hófu göngu sína. Andy Cohen, þáttastjóranndi, spurði ýmissa spurninga, meðal annars af hverju Kylie Jenner ákvað að halda sambandi sínu og rapparans Travis Scott leyndu og meðgöngunni þegar hún var ólétt af dóttur þeirra.

Kylie hélt allri meðgöngunni leyndu, þó undir lokin voru sögusagnir komnar á kreik um fjarveru hennar í fjölmiðlum en það var ekki fyrr en dóttir hennar, Stormi Webster, var orðin tveggja vikna sem Kylie tilkynnti fæðingu hennar í myndbandi á YouTube.

Varðandi samband sitt og Travis sagði Kylie að hún hefði alltaf leyft honum að ákveða hvort hann vildi koma fram í þáttunum eða ekki.

„Ég veit það ekki. Ætli hann hafi stundum ekki viljað vera fyrir framan myndavélarnar. Ég setti aldrei pressu á hann að koma fram í þáttunum,“ sagði hún við Andy Cohen.

Þetta ætti ekki að koma aðdáendum á óvart þar sem Kylie reynir eftir fremsta megni að halda einkalífinu úr sviðsljósinu. Margir hafa sett fram þá kenningu að Kylie og Travis séu byrjuð aftur saman, en þau hættu saman í október 2019. Hvorki Kylie né Travis eru búin að tjá sig um það en sést hefur til þeirra við nokkur atvik og kallaði Travis hana „wifey“ opinberlega nýlega.

Travis Scott, Kylie Jenner og Stormi.

Kylie opnaði sig einnig um ástæðuna fyrir því að hún ákvað að halda meðgöngunni leyndri. Hún segir að á þessum tímapunkti í lífi sínu hafði hún nú þegar deilt svo miklu með heiminum þrátt fyrir ungan aldur. Hún var þá tvítug.

„Ég var mjög ung þegar ég varð ólétt og þetta var bara mjög mikið fyrir mig persónulega. Ég vissi ekki hvernig ég gæti deilt þessu með umheiminum og heyrt skoðanir allra. Ég held að þetta hafi bara verið eitthvað sem ég þurfti að ganga í gegnum ein,“ segir hún.

Khloé Kardashian, systir Kylie, bendir á að fjölskylda og vinir Kylie hefðu vitað af þessu og það hafi verið mikil gleði í kringum meðgönguna meðal þeirra.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fókus
Í gær

Ragnhildur með skýr skilaboð – „Það tekur tíma að fella grímuna alveg en það er þess virði fyrir aukið sjálfstraust, sterkari sjálfsmynd, betri heilsu“

Ragnhildur með skýr skilaboð – „Það tekur tíma að fella grímuna alveg en það er þess virði fyrir aukið sjálfstraust, sterkari sjálfsmynd, betri heilsu“
Fókus
Í gær

Vikan á Instagram – „Hvað er langt í sumarið? Ég er að spyrja í alvöru“

Vikan á Instagram – „Hvað er langt í sumarið? Ég er að spyrja í alvöru“
Fókus
Fyrir 2 dögum

„Ég heillaðist strax af þessu óbilandi sjálfstrausti“

„Ég heillaðist strax af þessu óbilandi sjálfstrausti“
Fókus
Fyrir 2 dögum

Ósk og Sveinn selja ótrúlega lúxuskerru – Húsið sem þau leigja einnig á sölu

Ósk og Sveinn selja ótrúlega lúxuskerru – Húsið sem þau leigja einnig á sölu
Fókus
Fyrir 5 dögum

Diplómati er drepinn í fyrstu glæpasögu Elizu – Lestu fyrsta kaflann hér

Diplómati er drepinn í fyrstu glæpasögu Elizu – Lestu fyrsta kaflann hér
Fókus
Fyrir 5 dögum

Katrín Björk: Passar sig að gera þetta alltaf áður en hún fer í Costco

Katrín Björk: Passar sig að gera þetta alltaf áður en hún fer í Costco