Magnús Scheving, líkamsræktarfrömuður og rithöfundur, hefur beðist afsökunar á ummælum sem hann lét falla í Podcast-þætti Begga Ólafs. Magnús því hélt fram að það að fá ekki kynlíf hjá maka sínum geti verið ein tegund af ofbeldi. Ummælin voru harðlega gagnrýnd, meðal annars af Eddu Falak, íþróttaþjálfara og áhrifavaldi.
Edda Falak hneyksluð á Magnúsi Scheving eftir ummæli hans – „HVAÐ var ég að hlusta á?“
„Ofbeldi getur alveg verið þannig að þú ert giftur og viðkomandi fær ekki kynlíf hjá hinum, það getur verið ofbeldi,“ sagði Magnús í hlaðvarpsþættinum. Edda svaraði því á samfélagsmiðlinum Twitter: „Magnús Scheving talar um í nýjast podcast þætti Begga að það sé ofbeldi að fá ekki kynlíf frá maka sínum. Hann veltir því líka fyrir sér afhverju það séu til hóruhús og spyr síðan “er það kannski útaf karlar fá ekki nóg að ríða?” HVAÐ var ég að hlusta á?“
Í dag sendi Magnús frá sér yfirlýsingu vegna málsins þar sem hann biðst afsökunar á orðræðu sinni og segir að orð sín hafi verið ömurlega sögð og heimskuleg.
Yfirlýsing Magnúsar er eftirfarandi:
„Orð mín voru því miður mjög ömurlega sögð og á því vil ég biðjast afsökunar á. Í umræddum podcastþætti barst umræðan að vissu málefni, því miður komu orðin óboðlega út úr mér, heimskulega sagt og vona ég að þessi mistök mín um þetta þarfa málefni, ofbeldi, sem ég því miður þekki vel sé ekki togað og teygt. Til allra þeirra sem ég kann að hafa sært með orðum mínum vil ég biðjast innilegrar afsökunar.“
