Raunveruleikastjarnan Scott Disick sem er þekktastur fyrir að vera fyrrverandi eiginmaður og barnsfaðir Kourtney Kardashian. Hann og Kourtney eru góðir vinir og þrátt fyrir að hafa hætt saman árið 2015 hefur hann komið fram í þáttunum síðan og fara þau reglulega saman í frí með börnin.
Kourtney Kardashian er nú í sambandi með trommaranum Travis Barker og sögusagnir herma að Scott hefur átt erfitt með nýja ástarsamband fyrrverandi eiginkonu sinnar. Þá sérstaklega hversu alvarlegt samband þeirra virðist vera og í hvaða átt það er að stefna.
En Scott er sjálfur í sambandi með 19 ára fyrirsætunni Amelia Hamlin. Þau hafa verið saman í fimm mánuði. Amelia er dóttir leikkonunnar, rithöfundarins og raunveruleikastjörnunnar Lisu Rinna.
Scott á afmæli í dag, 26. maí, og er 38 ára.
Það var engu til sparað og keypti Amelia glænýtt Harley Davidson mótorhjól.
„Nýtt Harley, get ekki kvartað,“ skrifaði Scott á Instagram og þakkaði síðan Ameliu. Gjöfin hefur vakið talsverða athygli. E! News greinir frá.
