Aníta Briem leikkona elskar að horfa á góðar kvikmyndir og segir góðar myndir geta svo sannarlega fyllt fólk innblæstri og það sé um að gera að rifja upp og horfa reglulega á sínar uppáhalds myndir. Hún nefnir hér fimm af sínum „feel good“ kvikmyndum.
Moonlight
„Hún kippir mér alltaf niður á jörðina þegar ég þarf á því að halda og lætur mér líða eins og það sé allt í lagi að vera öðruvísi og fær mig til að sjá það mannlega í ólíklegum kringumstæðum.“
La Haine
„Elska hrákleikann í henni. Fyrsti ramminn er maður að falla til jarðar út úr geiminum undir frasanum “jusqu’ice tout va bien…, “, eða “þetta er ekki svo slæmt….” á meðan hann hrapar. Svo sjáum við hrapið, og litla sprengingu. Og svo klárast setningin “…en það skiptir ekki máli hvernig þú fellur, heldur hvernig þú lendir”. Stórt þema sem getur átt við svo margar sögur – að halda ekki fyrir eyrun þegar eitthvað er sagt sem þú vilt ekki heyra og hversu stutt líf okkar er. Þetta er límt framan á handritamöppuna mína.“
Amelie
„Ein af mínum uppáhalds myndum. Forvitnin, missirinn, bjartsýnin, ástin… Allt er dásamlegt við þessa mynd – kvikmyndataka, hönnun, leikur, tónlistin, litirnir…“
English patient
„Æ þessi saga að sigrast á því sem ætti að vera óyfirstíganlegt mótlæti. Yndislega rómantísk, því þrátt fyrir að ég myndi aldrei viðurkenna það er ég stórkostlega mikill rómantíkus. Svo er hún dásamlega leikin og leikstýrð af Antony Minghella sem dó alltof ungur en er í miklu uppáhaldi hjá mér sem bæði leikstjóri og rithöfundur.“
As good as it gets
„Ég elska þessa ástarsögu sem er út úr kassanum. Ég elska reyndar flestar ástarsögur sem eru út úr kassanum, eins og t.d Sectrary eða Breaking the Waves. Ástin er nefnilega allskonar. Dásamlegir leikarar og kvikmyndagerð allt í kring.“
